ការផ្តល់ឲ្យនូវការលើកលែងពន្ធលើអចលនទ្រព្យនេះ ធ្វើឡើងដើម្បីទាក់ទាញគម្រោងវិនិយោគដ៏ធំរបស់កូរ៉េ ឲ្យចូលមកក្នុងរដ្ឋតិចសាស ស្របពេលដែលក្រុមហ៊ុនសាំសុង កំពុងរារែកចិត្តក្នុងការជ្រើសរើសទីតាំងវិនិយោគរវាងរដ្ឋតិសាស អារីហ្សូណា និង ញូយ៉កជាដើម។
យ៉ាងណាមិញ រដ្ឋតិសាសទំនងជាត្រូវបាន Samsung ផ្តល់ការចាប់អារម្មណ៍ជាងគេពីព្រោះថា រដ្ឋភាគខាងត្បូងសហរដ្ឋអាមេរិកមួយនេះ ហ៊ានផ្តល់ការលើកលែងពន្ធលើអចលនទ្រព្យសម្រាប់ក្រុមហ៊ុនកូរ៉េខាងត្បូងមួយនេះ។ ការលើកលែងពន្ធទាំងនោះរាប់បញ្ចូលដូចជា ការមិនតម្រូវឲ្យបង់ពន្ធចំនួនដល់ទៅជាង ៩២% សម្រាប់រយៈពេល១០ឆ្នាំដំបូង, កាលើកលែងពន្ធ៩០% នៅ១០ឆ្នាំបន្ទាប់ និងការលើកលែងពន្ធ៨៥% នៅ១០ឆ្នាំបន្ទាប់មកទៀត។
តាមការអះអាងពីអាជ្ញាធររដ្ឋតិចសាសនៅលើគេហទំព័ររបស់ខ្លួន គម្រោងវិនិយោគដ៏ធំនេះ នឹងផ្តល់ការងារថ្មីៗដល់មនុស្សប្រមាណ ១.៨០០នាក់បន្ថែមទៀត។
អត្ថបទគួរចាប់អារម្មណ៏
គួរជម្រាបថា ទោះបីក្រុមហ៊ុន សាំសុងសម្រេចជ្រើសយករដ្ឋតិសាសសម្រាប់ការដាក់ទីតាំងផលិតបន្ទះឈីបរបស់ខ្លួនក្តី ប៉ុន្តែក្រុមហ៊ុនត្រូវបន្តជ្រើសរើសយកក្រុងសក្តានុពលមួយ ក្នុងចំណោមក្រុងធំៗទាំងពីររបស់ តិចសាស ក្នុងនោះរួមមាន ក្រុងអូស្ទីន (Austin) និង ថាយឡឺ (Taylor)។
គេនៅចាំថា ក្រុមហ៊ុនសាំសុងកាលពីឆ្នាំមុនបានទិញយកទីតាំងដីមួយកន្លែងទំហំជាង១០០ហិកតានៅក្នុងក្រុងអូស្ទីន ដែលប្រការនេះនឹងអនុញ្ញាតឲ្យក្រុមហ៊ុនអាចចាប់ផ្តើមផលិតកម្មបានឆាប់រហ័ស ជាងការជ្រើសយកទីតាំងនៅក្នុងក្រុង ថាយឡឺ ដែលគេត្រូវចាប់ផ្តើមសាងសងរោងចក្រនៅដើមឆ្នាំក្រោយ ហើយការផលិតបន្ទះឈីបត្រូវរងចាំរហូតដល់ចុងឆ្នាំ ២០២៤ឯណោះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
