សភាពាណិជ្ជកម្ម និងឧស្សាហកម្មវៀតណាម បានអះអាងថា ក្រោមរបបពន្ធបច្ចុប្បន្ន រាល់នីតិវិធីដែលត្រូវធ្វើឡើងនៅចុងឆ្នាំនេះ អាចបង្កការលំបាកដល់អាជីវកម្មដែលកំពុងមានបញ្ហាក្នុងការរក្សាលំហូរសាច់ប្រាក់ បន្ទាប់ពីអាជីវកម្មបានរងគ្រោះដោយសារតែការរីករាលដាលនៃមេរោគ កូវីដ ១៩ និង បញ្ហាសាកលផ្សេងៗ។
បន្ទាប់ពី បានលើកនូវសំណើរនេះឡើង ក្រសួងហិរញ្ញវត្ថុវៀតណាមក៏បានសំដែងនូវការគាំទ្រ ដោយបាននិយាយថា កាលបរិច្ឆេទផុតកំណត់សម្រាប់ការអនុវត្តការបង់ពន្ធលើការប្រើប្រាស់និងជួលដីសម្រាប់ឆ្នាំ២០២៣ ក៏គួរតែត្រូវបានពន្យារពេលដែរ ដើម្បីផ្តល់ពេលវេលាបន្ថែមដល់អាជីវករ។
ក្រសួងហិរញ្ញវត្ថុវៀតណាមបាននិយាយថា អាទិភាពកំពូលរបស់រដ្ឋាភិបាលនៅពេលនេះគួរតែជំរុញការស្ទុះងើបឡើងវិញនូវសេដ្ឋកិច្ច និងផលិតកម្ម។
អត្ថបទគួរអាន
សភាពាណិជ្ជកម្ម និងឧស្សាហកម្មវៀតណាម បានអះអាងថា សំណើនេះគឺជាការបន្តនូវកញ្ចប់គាំទ្រមួយ ដែលវិស័យធុរកិច្ចវៀតណាមពេញចិត្ត ក្នុងរយៈពេលបីឆ្នាំចុងក្រោយនេះ ខណៈដែលការអនុគ្រោះផ្សេងៗ ដោយរួមទាំង ការពន្យារពេលលើការយកពន្ធពីលើការប្រើប្រាស់និង ការជួលដី ត្រូវបានកំណត់ថា នឹងផុតកំណត់នៅចុងខែធ្នូ ឆ្នាំ ២០២៣ ខាងមុខ ។
ពាក់ព័ន្ធនឹងបញ្ហាពន្ធនេះ អ្នកជំនួញ និងអ្នកសេដ្ឋកិច្ចវៀតណាមបានសម្តែងការព្រួយបារម្ភជាយូរមកហើយលើពេលវេលាកំណត់ ពីព្រោះកាលបរិច្ឆេទចុងក្រោយនោះ គឺ ស្របគ្នានឹងពេលដែលអាជីវកម្មនានានៅក្នុងប្រទេសវៀតណាមកំពុងត្រូវការសាច់ប្រាក់យ៉ាងច្រើន ដើម្បីបង្កើនផលិតកម្មសម្រាប់ការធ្វើកម្មវិធីឃោសនាក៏ដូចជាផ្តល់រង្វាន់ដល់បុគ្គលិក ។
