បាននិងកំពុងជះឥទ្ធិពលអាក្រក់មកលើសេដ្ឋកិច្ច គួបផ្សំនឹងវិធានការគ្រប់គ្រងកូវីដ-១៩នៅក្នុងប្រទេសវៀតណាមនាពេលថ្មីៗ ក៏កំពុងប៉ះពាល់ដំណើរការសេដ្ឋកិច្ចកាន់តែខ្លាំងដែរ។ នេះបើតាមការរាយការណ៍មួយដោយទីភ្នាក់ងារព័ត៌មានវៀតណាម។
សេដ្ឋកិច្ចវៀតណាមនៅឆ្នាំនេះ កំពុងរងផលប៉ះពាល់កាន់តែខ្លាំង នៅគ្រាដែលមេរោគកូវីដ-១៩ កំពុងលុកលុយកាន់តែច្រើនឡើង ដោយក្នុងមួយថ្ងៃវៀតណាមមានតួលេខអ្នកឆ្លងដល់ទៅជាង១ម៉ឺននាក់ឯណោះ។ ស្របពេលដែល ស្ថានការណ៍ការតែធ្ងន់ធ្ងរ វៀតណាមក៏បានដាក់ចេញវិធានការឆ្លើយតបទប់ទល់កូវីដ-១៩ យ៉ាងតឹងរ៉ឹងផងដែរ ជាមួយនឹងវិធានការបិទខ្ទប់ និង ការរក្សាគម្លាតសង្គមជាដើម។ ទាំងអស់នេះ ត្រូវបានគេមើលឃើញថា កំពុងរង ឥទ្ធិពលកាន់តែអាក្រក់ខ្លាំងឡើងមកសេដ្ឋកិច្ចរបស់ប្រទេសវៀតណាម។ ជាក់ស្ដែង តាមរបាយការណ៍ថ្មីចុងក្រោយមួយរបស់ធនាគារពិភពលោកបានទម្លាក់ការព្យាករសេដ្ឋកិច្ចវៀតណាមពី ៦,៨% មកនៅត្រឹម៤,៨% ប៉ុណ្ណោះ នៅឆ្នាំ២០២១។
លោក រាហុល ឃីតលូ (Rahul Kitchlu) នាយកធនាគារពិភពលោកប្រចាំប្រទេសវៀតណាម បានឱ្យដឹងថា ទោះបីជាការធ្លាក់ចុះ GDP កំពុងប្រឈមហានិភ័យ តែមូលដ្ឋានគ្រឹះសេដ្ឋកិច្ចនៅតែមានភាពរឹងមាំនៅក្នុងប្រទេសវៀតណាម ហើយសេដ្ឋកិច្ចប្រទេសនេះអាចផ្លាស់ប្តូរទៅរកអត្រាកំណើនសេដ្ឋកិច្ចដូចកាលពីមុនពេលមិនទាន់មានកូវីដ១៩ រាតត្បាតពីកំណើន៦,៥% ទៅ ៧% ចាប់ពីឆ្នាំ ២០២២ តទៅ។
អត្ថបទគួរអាន
ទោះយ៉ាងណាក៏ដោយចុះ គេមិនទាន់ដឹងនៅឡើយទេ ថាតើសេដ្ឋកិច្ចរបស់វៀតណាមនឹងស្ទុះងើបឡើងវិញនៅឆមាសទី ២ក្នុងឆ្នាំ ២០២១ បានឬយ៉ាងណានោះ ពោលគឺវាអាស្រ័យលើការគ្រប់គ្រងការផ្ទុះរីករាលដាលឆ្លងនៃជំងឺកូវីដ១៩, ការចាក់វ៉ាក់សាំង, វិធានការសារពើពន្ធដើម្បីគាំទ្រដល់អាជីវកម្ម និង ជួយគ្រួសារដែលរងផលប៉ះពាល់ និង ផែនការជំរុញការស្តារឡើងវិញ។
របាយការណ៍ធនាគារពិភពលោកបានបង្ហាញថា អាជ្ញាធរវៀតណាមគួរតែដោះស្រាយផលវិបាកសង្គមដោយសារវិបត្តិកូវីដ១៩ និង គួរតែប្រយ័ត្នចំពោះហានិភ័យ ដែលកំពុងកើនឡើងនៅក្នុងវិស័យហិរញ្ញវត្ថុ និង ត្រូវស្វែងរកតុល្យភាពត្រឹមត្រូវ រវាងតម្រូវការដើម្បីគាំទ្រដល់ការងើបឡើងវិញនៃសេដ្ឋកិច្ចវៀតណាម និង ភាពចាំបាច់ដើម្បីរក្សានូវកម្រិតប្រកបដោយនិរន្តរភាពនៃបំណុលសាធារណៈក្នុងប្រទេសវៀតណាម៕
អត្ថបទ៖ ស៊ើង និមល់
None
