តើលោកនាយករដ្ឋមន្ត្រីថ្មីរបស់ម៉ាឡេស៊ីរូបនេះ នឹងមានសមត្ថភាពដោះស្រាយបញ្ហាដែលកំពុងចាក់ស្រេះទាំងអស់នេះបានដែរ?
ប្រទេសម៉ាឡេស៊ីរកបាននាយករដ្ឋមន្ត្រីរបស់ខ្លួនហើយ ដែលនឹងចូលមកជំនួសលោក ម៉ូហ៊ីយីឌីន យ៉ាស៊ីន ដែលទើបតែបានលាលែងពីតំណែងកាលពីសប្ដាហ៍មុន ក្រោយលោកបានបាត់បង់ប្រជាប្រិយភាពក៏ដូចជាការគាំទ្រពីប្រជាជន និងមន្ត្រីក្នុងជួរដ្ឋាភិបាលផងដែរ ដោយសារតែពលរដ្ឋម៉ាឡេស៊ីយល់ថា អតីតនាយករដ្ឋមន្ត្រីរូបនេះ មិនមានសមត្ថភាពគ្រប់គ្រាន់ក្នុងការដឹកនាំប្រទេស ពិសេសក្នុងការដោះស្រាយបញ្ហាកូវីដ-១៩។ ទោះយ៉ាងណា នាយករដ្ឋមន្ត្រីថ្មីរបស់ម៉ាឡេស៊ី គឺលោក អ៊ីស្មីល សាប្រ៊ី យ៉ាកុប ត្រូវបានគេមើលឃើញថា គឺបុគ្គលអ្នកនយោបាយមួយដែលស្ថិតចង្កោមនៃសម្ព័ន្ធដូចគ្នានៃក្រុមអតីតលោកនាយករដ្ឋមន្ត្រី ម៉ូហ៊ីយីឌីនដែរ។ ប្រការនេះបានចោទជាក្ដីបារម្ភថា ការដឹកនាំរបស់នាយករដ្ឋមន្ត្រីថ្មីនេះ ក៏នឹងមិនអាចធ្វើឲ្យរដ្ឋាភិបាលមានស្ថិភាពបាននោះដែរ។
លោក អ៊ីស្មីល សាប្រ៊ី នាយករដ្ឋមន្ត្រីថ្មីរបស់ម៉ាឡេស៊ី ដែលទើបតែបានតែងតាំងដោយមហាក្សត្រម៉ាឡេស៊ីកាលពីថ្ងៃសុក្រសប្ដាហ៍មុន បានស្បថចូលកាន់តំណែងនៅថ្ងៃសៅរ៍ ក្រោយពីរូបលោកទទួលបានសំឡេងគាំទ្រ១១៤ ពីសមាជិកសភា ក្នុងចំណោមសមាជិកសរុប២២២នាក់។
អត្ថបទទាក់ទង
នៅក្នុងសេក្ដីថ្លែងការណ៍របស់រដ្ឋាភិបាលម៉ាឡេស៊ីបានគូសបញ្ជាក់ថា ព្រះមហាក្សត្របានបង្ហាញពីក្ដីសង្ឃឹមថា ជាមួយនឹងការតែងតាំងនាយករដ្ឋមន្ត្រីថ្មីនេះ វិបត្តិនយោបាយ នឹងត្រូវបានបញ្ចប់ក្នុងពេលដ៏ខ្លីខាងមុខនេះ ហើយសមាជិកសភាទាំងអស់ អាចរួមគ្នាដើម្បីដាក់ចេញនូវរបៀបវារៈនយោបាយនានា។
ការទទួលបានការតែងតាំងជានាយករដ្ឋមន្ត្រីថ្មីរបស់លោកអ៊ីស្មីល ត្រូវបានគេមើលឃើថា នឹងស្ដារនូវមុខមាត់គណបក្សអង្គការជាតិរបស់លោកមកវិញ ដែលជាគណបក្សវ័យចំណាស់មួយរបស់ម៉ាឡេស៊ី និងធ្លាប់បានចាញ់ឆ្នោតកាលពីឆ្នាំ២០១៨ បន្ទាប់ពីមានរឿងអាស្រូវពុករលួយពាក់ព័ន្ធនឹងលុយរាប់ពាន់លានដុល្លារនៅក្នុងគម្រោងមូលនិធិរដ្ឋ 1MDB។
លោក អ៊ីស្មីល ក្លាយជានាយករដ្ឋមន្ត្រីម៉ាឡេស៊ីទី៣ហើយ គិតតាំងពីឆ្នាំការបោះឆ្នោតឆ្នាំ២០១៨មក។ ក្នុងវ័យ ៦១ឆ្នាំ លោកអាសមីល មានសញ្ញាបត្រជំនាញផ្នែកច្បាប់ ដោយលោកបានចាប់ផ្តើមអាជីពជាអ្នកនយោបាយ ដោយបម្រើការជារដ្ឋមន្ត្រីយុវជននិងកីឡា នៅឆ្នាំ២០០៨។ រហូតឆ្នាំ២០១៨ដល់ឆ្នាំ២០២០ លោកមានតួនាទីជារដ្ឋមន្ត្រីនៃរដ្ឋសហព័ន្ធម៉ាឡេស៊ី ហើយមុននឹងត្រូវតែងតាំងជានាយករដ្ឋមន្ត្រី លោកក៏មានតំណែងជាឧបនាយករដ្ឋមន្ត្រីផងដែរ៕
None
