លោក ត្រាំ ប្តេជ្ញាជួយធានាការពារសន្តិសុខដល់អ៊ុយក្រែន ជាមួយកញ្ចប់សព្វាវុធទំហំ៩០ពាន់លានដុល្លារ
នៅក្នុងជំនួបកំពូលដ៏សំខាន់មួយរវាងប្រធានាធិបតីអាម៉េរិកលោក ដូណាល់ ត្រាំ ជាមួយ ប្រធានាធិបតីអ៊ុយក្រែនលោក វ៉្លូឌីមៀ ហ្សេឡិនស្គី និងបណ្ដាមេដ…
ឧកញ៉ា ស៊ិន ចន្ធី អគ្គនាយកក្រុមហ៊ុនឡាញហល អិចប្រេស បានគូសបញ្ជាក់ថា ការកកស្ទះទំនិញឆ្លងកាត់ព្រំដែនកម្ពុជា-វៀតណាមនាពេលថ្មីៗនេះបានកើតឡើងក្នុងរយៈពេលខ្លីប៉ុណ្ណោះ ដោយសារពាក់ព័ន្ធនឹងបទបញ្ញត្តិនៃការដឹកជញ្ជូនរបស់ប្រទេសវៀតណាមចូលមកម្ពុជា។ បើតាមអ្នកជំនាញវិស័យដឹកជញ្ជូនរូបនេះ មកដល់ពេលនេះ អាជ្ញាធរបានសម្រួលបញ្ហាផ្ទៃក្នុងរបស់គេ និងមានដំណើរការដឹកជញ្ជូនឆ្លងកាត់មកកម្ពុជាជាធម្មតាឡើងវិញហើយ។
មិនខុសគ្នានោះទេលោក ជា ចាន់ដារ៉ា ប្រធានសមាគមពាណិជ្ជករដឹកជញ្ជូន និងខ្សែច្រវាក់ផ្គត់ផ្គង់នៅកម្ពុជាបានគូសបញ្ជាក់ថា មកដល់ពេលនេះសកម្មភាពដឹកទំនិញឆ្លងកាត់ព្រំដែនកម្ពុជា-វៀតណាមហាក់មានដំណើរការល្អប្រសើរឡើងវិញហើយ បន្ទាប់ពីបានរាំងស្ទះមួយរយៈពេលខ្លី។ បើតាមអ្នកជំនាញរូបនេះ អាជ្ញាធរវៀតណាម បានទុកពេលវេលាមួយចំនួនឱ្យក្រុមហ៊ុនដឹកជញ្ជូនទៅធ្វើអាជ្ញាបណ្ណដឹកជញ្ជូនផងដែរ។
សូមបញ្ជាក់ថា កាលពីថ្ងៃទី១៥ ខែសីហា កន្លងទៅថ្មីៗនេះ អាជ្ញាធរគយវៀតណាមបានអនុវត្តបទប្បញ្ញត្តិថ្មី ដែលតម្រូវឱ្យក្រុមហ៊ុនដឹកជញ្ជូន ដែលដឹកជញ្ជូនទំនិញពីវៀតណាមចូលមកកម្ពុជាត្រូវមានលិខិតអនុញ្ញាតដឹកជញ្ជូនអន្តរជាតិ ទើបអាចដឹកទំនិញចេញចូលឆ្លងកាត់ព្រំដែនប្រទេសទាំងពីរបាន។ ការណ៍នេះបានធ្វើឱ្យការដឹកជញ្ជូនទំនិញពីប្រទេសវៀតណាម ចូលមកកម្ពុជាមានការកកស្ទះយ៉ាងខ្លាំង ប៉ុន្តែក្រោយមកអាជ្ញាធរវៀតណាមបានសម្រួលឱ្យមានការឆ្លងកាត់ជាធម្មតាឡើងវិញ៕
អត្ថបទ៖ បូ ដូឡា,រូបភាព ឯកសារ
