ប្រភពព័ត៌មានសិង្ហបុរីដដែលនេះបានរាយការណ៍ថា កំណើននៃតម្លៃផ្ទះល្វែងនៅក្នុងរយៈពេល១ត្រីមាសកន្លងមកនេះ គឺទាបជាងពាក់កណ្តាលបើធៀបនឹងរយៈពេល ពីខែ កញ្ញា ដល់ ខែ ធ្នូ ឆ្នាំ២០២២ ដែលនៅអំឡុង ពេលនោះតម្លៃផ្ទះល្វែងកើនឡើងដល់ទៅ ២,៣ %។ ម្រាប់បរិមាណនៃការលក់វិញវិញ ទិន្នន័យបានបង្ហាញថា នៅបីខែដើមឆ្នាំ២០២៣ បានកើនឡើង ៥,៨ % ពោលគឺមានប្រតិបត្តិការលក់ ជិត ៧ពាន់ប្រតិបត្តិការ ខណៈដែលកាលត្រីមាសចុងក្រោយនៃឆ្នាំ២០២២ គឺមានត្រឹមតែប្រមាណ ៦ពាន់៦រយប្រតិបត្តិការប៉ុណ្ណោះ។
ក្រុមអ្នកវិភាគបានអះអាងថា ចំនួនលំនៅដ្ឋាននៅសល់បន្ដមានកាន់តែច្រើន និងវិធានការរឹតបន្ដឹងលើឥណទានទិញផ្ទះ ដែលបានដាក់ចេញកាលពីខែកញ្ញា ឆ្នាំ២០២២ នឹងរួចចំណែកធ្វើឲ្យកំណើននៃតម្លៃលំនៅដ្ឋានមានការថយចុះ។ វិធានការរឹតបន្ដឹងលើការទិញផ្ទះ ដែលបានដាក់ចេញកាលពីឆ្នាំមុននោះ គឺរដ្ឋាភិបាលសិង្ហបុរី បានកំណត់ថា ម្ចាស់លំនៅដ្ឋានឯកជនទាំងអស់ ត្រូវរង់ចាំរយៈពេល ១៥ខែ បន្ទាប់ពីការលក់ផ្ទះរបស់ពួកគេ មុននឹងពួកគេអាចទិញផ្ទះដើម្បីលក់ជាថ្មីទៀត ដោយមិនមានជំនួយគាំទ្រលើកកម្ចីទិញផ្ទះពីរដ្ឋនោះទេ។
អត្ថបទគួរអាន
លោកស្រី គ្រីស្ទីន សាន់ ( Christine Sun) អនុប្រធានជាន់ខ្ពស់ផ្នែកស្រាវជ្រាវ និងវិភាគរបស់ក្រុមហ៊ុន OrangeTee & Tie បានអះអាងថា បញ្ហាកង្វះខាតលំនៅឋាននៅសិង្ហបុរីកំពុងធូរស្រាលហើយ ដោយសារគម្រោងកសាងផ្ទះល្វែងកាន់តែច្រើនត្រូវបានបញ្ចប់ក្នុងប៉ុន្មានខែថ្មីៗនេះ ហើយរដ្ឋាភិបាលក៏កំពុងតែបន្តដាក់ដំណើរការគម្រោងដែលគេហៅថា គម្រោងសាងសង់តាមការបញ្ជាទិញ និងបានបញ្ចេញផ្ទះល្វែងថ្មីសម្រាប់លក់ជាបន្តបន្ទាប់។
មកដល់ពេលនេះគេដឹងថា តម្លៃផ្ទះល្វែងចាប់ពី៥ បន្ទប់ឡើង នៅសិង្ហបុរី គឺមានតម្លៃប្រមាណជា ៩ សែនដុល្លារ, ផ្ទះល្វែងប្រភទ៤ បន្ទប់ គឺតម្លៃប្រមាណជាជាង ៨៦ម៉ឺនដុល្លារ, ផ្ទះល្វែងប្រភេទបីបន្ទប់ គឺមានតម្លៃជាមធ្យមប្រមាណជា ៤៥ម៉ឺនដុល្លារ ។
ដោយៈ សរ សុជាតិ
