លោក Yoshihide Suga បានអះអាងថា នៅពេលដែលស្ថានការណ៍ពិភពលោកស្ថិតក្នុងភាពយ៉ាប់យ៉ឺន ទាក់ទងនឹងសង្គ្រាមត្រជាក់នៃគោលនយោបាយការបរទេស និងសន្តិសុខជាតិនោះ ការការពារក្របខណ្ឌគោលនយោបាយនៃប្រទេសទាំងបួននេះ នឹងមានសារៈសំខាន់កាន់តែខ្លាំង សម្រាប់សន្តិភាព និងសុវត្ថិភាពនៃឥណ្ឌូប៉ាស៊ីហ្វិក សេរី និងបើកចំហ ។
តើហេតុអ្វីបានជាសម្ព័នមិត្ត Quad ទាំង ៣ ប្រទេសផ្សេងទៀត មិនអាចបញ្ចុះបញ្ចូលឥណ្ឌាឱ្យប្រកាន់ជំហររួមប្រឆាំងនឹងសង្គ្រាមរបស់រុស្ស៊ីលើអ៊ុយក្រែនបាន?
គេនៅចាំបានថា ប្រទេសឥណ្ឌាបានបោះឆ្នោតអនុប្បវាទនៅមហាសន្និបាតអង្គការសហប្រជាជាតិក្នុងការថ្កោលទោសការឈ្លានពានរបស់រុស្ស៊ីទៅលើអ៊ុយក្រែន។ យ៉ាងណាមិញ ឥណ្ឌាក៏មិនបានបោះឆ្នោតមិនគាំទ្ររុស្ស៊ីលើដំណោះស្រាយជុំវិញស្ថានភាពមនុស្សធម៌នៅអ៊ុយក្រែនដែរ។ តាមរយៈទង្វើបែបនេះ គឺបានឆ្លុះបញ្ចាំងពីឆន្ទៈឥណ្ឌាក្នុងការរក្សាអព្យាក្រឹតភាពរបស់ខ្លួនមិនឈរនៅខាងប្រទេសណាមួយឡើយ ដែលជាហេតុធ្វើឲ្យសម្ព័នមិត្តទាំង ៣ ផ្សេងទៀតពិបាកបញ្ចុះបញ្ចូលឥណ្ឌាក្នុងការដាក់ទណ្ឌកម្មរួមគ្នាប្រឆាំងនឹងរុស្ស៊ី។
អត្ថបទគួរអាន
លោក Suga បាននិយាយថា ឥណ្ឌា គឺជាបញ្ហាប្រឈមដ៏ធំបំផុតតាំងពីដំបូងមកដោយសារ ឥណ្ឌាមិនចាប់អារម្មណ៍ក្នុងការលើកកម្ពស់សមាជិកភាព Quad ជាវេទិកាដ៏សំខាន់សម្រាប់ឥណ្ឌូប៉ាស៊ីហ្វិកនោះទេ។ ប៉ុន្តែតាមទស្សនៈរបស់ប្រទេសជប៉ុន ការចូលរួមជាមួយឥណ្ឌាមានសារៈសំខាន់ខ្លាំងណាស់ ដូច្នេះហើយទើបបានប្រទេសជប៉ុនខិតខំប្រឹងប្រែងពង្រឹងមិត្តភាពជាមួយប្រទេសនេះ។
អតីតនាយករដ្ឋមន្ត្រីជប៉ុនរូបនេះ បានទទូចថា វាមិនត្រឹមតែមានសារៈសំខាន់ក្នុងការរក្សាប្រទេសឥណ្ឌាឱ្យស្ថិតក្នុងសមាជិក Quad នោះទេ ប៉ុន្តែត្រូវបើកចំហរចំពោះប្រទេសផ្សេងទៀត ដូចជាសមាគមប្រជាជាតិអាស៊ីអាគ្នេយ៍ (Asean) ឲ្យចូលរួមជាសមាជិក Quadផងដែរ។ លោកបានមានប្រសាសន៍ថា ប្រសិនបើគិតពីផលប្រយោជន៍ជាតិរបស់ប្រទេសជប៉ុន វានឹងមានសារៈសំខាន់ក្នុងការរក្សាឥណ្ឌានៅក្នុងក្រុមនៃសម្ព័នមិត្ត Quad និងដើម្បីនាំអាស៊ានចូលទៅក្នុងក្រុមទាំង ៤ នេះផងដែរ។ លោក Suga បានបន្ថែមថា សមាជិក Quad ក៏មិនគួររារាំងប្រទេសចិនពីការចូលទៅក្នុងតំបន់ឥណ្ឌូប៉ាស៊ីហ្វិកសេរី និងបើកចំហដែរ។
គួរជម្រាបថា នៅក្នុងឆ្នាំនេះ មេដឹកនាំទាំងបួននឹងចូលរួមកិច្ចប្រជុំជាមួយសម្ព័នមិត្តនៃសមាជិក Quad នៅចុងខែ មេសានេះ ដែលប្រទេសជប៉ុននឹងត្រូវធ្វើជាម្ចាស់ផ្ទះ៕
អត្ថបទ វ៉ាន់ ស្រីរ័ត្ន
None
