ឧស្សាហកម្មរថយន្ត

ហេតុអ្វីឧស្សាហកម្មរថយន្តរបស់ជប៉ុននឹងរងផលប៉ះពាល់ខ្លាំងជាងគេពីការដំឡើងពន្ធ២៥% ?


ឧស្សាហកម្មរថយន្តជប៉ុន ត្រូវបានគេវាយតម្លៃថា អាចនឹងរងផលប៉ះពាល់ខ្លាំងជាងគេនៅពេលសហរដ្ឋអាម៉េរិក ដាក់ពន្ធ២៥% លើការនាំចូលរថយន្ត ដូចអ្វីដែលលោក ដូណាល់ ត្រាំ បានប្រកាសមែននោះ។ ការវាយតម្លៃបែបនេះធ្វើឡើងដោយផ្អែកលើរថយន្តរបស់ជប៉ុន ជារថយន្តដែលលក់ដាច់ជាងគេនៅសហរដ្ឋអាម៉េរិក។ ជាក់ស្តែងក្នុងចំណោមរថយន្ត ដែលលក់ដាច់បំផុតទាំង៨ នៅសហរដ្ឋអាម៉េរិក ភាគច្រើនជារបស់ក្រុមហ៊ុនជប៉ុន ដូចជាតូយូតា ហុងដា និងនីសាន់ ជាដើម។ នេះបើយោងតាមការចុះផ្សាយរបស់សារព័ត៌មាន CNBC។
ឧស្សាហកម្មរថយន្ត
ដោយ

អ្នកជំនាញក្នុងវិស័យយានយន្តជឿជាក់ថា ក្រុមហ៊ុនផលិតរថយន្តរបស់ជប៉ុននឹងរងផលប៉ះពាល់ខ្លាំងគេពីគោលនយោបាយដំឡើងពន្ធ២៥% លើការនាំចូលរថយន្តរបស់សហរដ្ឋអាម៉េរិក ក្រោមរដ្ឋបាលលោក ដូណាល់ ត្រាំ ដោយសាររថយន្តរបស់ក្រុមហ៊ុនជប៉ុន ទទួលបានការគាំទ្រច្រើនជាងគេក្នុងចំណោមរថយន្ត ដែលលក់នៅលើទីផ្សារអាម៉េរិក។ ជាក់ស្តែងសហរដ្ឋអាម៉េរិក បានចំណាយថវិការហូតដល់៤៧៤ពាន់លានដុល្លារលើការនាំចូលរថយន្តកាលពីឆ្នាំ២០២៤ ក្នុងនោះនាំចូលពីជប៉ុន មានតម្លៃខ្ពស់ជាងគេ។

លោក វីវិក វេឌីយ៉ា (Vivek Vaidya) អ្នកជំនាញផ្នែកសិក្សាស្រាវជ្រាវរបស់ក្រុមហ៊ុនស្រាវជ្រាវ Frost & Sullivan បានវាយតម្លៃថា ក្រោមសម្ពាធពន្ធលើរថយន្តរបស់លោក ដូណាល់ ត្រាំ ក្រុមហ៊ុនផលិតរថយន្តជប៉ុននឹងលំបាកជាងគេ ក្នុងនោះក្រុមហ៊ុនតូយ៉ូតា អាចនឹងពិបាកជាងគេ ដោយសាររថយន្តរបស់ក្រុមហ៊ុននេះលក់ដាច់ជាងគេនៅលើទីផ្សារសហរដ្ឋអាម៉េរិក។

នៅពេលសហរដ្ឋអាម៉េរិក ប្រកាសកំណត់ពន្ធនេះភ្លាម ភាគហ៊ុនរបស់ក្រុមហ៊ុនតូយ៉ូតា បានធ្លាក់ចុះ៩,៤% មួយរំពេច ខណៈភាគហ៊ុនរបស់ក្រុមហ៊ុននីសាន់ (Nissan) ដែលជាក្រុមហ៊ុនផលិតរថយន្តជប៉ុន ដែរនោះបានធ្លាក់ចុះ៩,៣%។ កាលពីឆ្នាំ២០២៤ ក្រុមហ៊ុនតូយ៉ូតា បានឈរលំដាប់កំពូលដោយលក់ដាច់រថយន្តបានជិត២លានគ្រឿង ដោយវ៉ាដាច់ក្រុមហ៊ុនក្នុងស្រុកហ្វត និងឆឺរ៉ូឡេត។

លោក ចូ ម៉ាកខេប (Joe McCabe) នាយកប្រតិបត្តិនៃក្រុមហ៊ុន AutoForecast Solutions បានលើកឡើងថា ឧស្សាហកម្មរថយន្តជៀសមិនផុតពីផលប៉ះពាល់ឡើយនៅឆ្នាំនេះ បើទោះបីជាក្រុមហ៊ុនផលិតរថយន្តចង់ផ្លាស់ប្តូរផលិតកម្មទៅសហរដ្ឋអាម៉េរិក ដើម្បីចៀសវាងការយកពន្ធក៏ដោយ ការផ្លាស់ប្តូររោងចក្រមិនមែនជាសំណើធ្វើត្រឹមមួយយប់ចប់ឡើយ ហើយការចំណាយវិញគឺត្រូវការទុនរាប់ពាន់លានដុល្លារ៕

ដោយៈ សរ សុជាតិ




អត្ថបទបន្ទាប់


មន្ត្រីអន្តោប្រវេសន៍អះអាងថា ចំនួនពលរដ្ឋខ្មែរចាកចេញពីថៃ មានការកើនឡើងនៅប៉ុន្មានថ្ងៃនេះ ក្រោយថៃ ជួបគ្រោះរញ្ជួយដី

ចំនួនពលករខ្មែរចាកចេញពីថៃ មកលេងស្រុកកំណើនមានការកើនឡើងគួរឱ្យកត់សម្គាល់ ក្រោយប្រទេសថៃ ជួបគ្រោះរញ្ជួយដីធ្ងន់ធ្ងរកាលពីថ្ងៃសុក្រ សប្តាហ៍មុន ដែល…

ជប៉ុន អាចប្រឈមនឹងគ្រោះរញ្ជួយដី ដែលអាចបំផ្លាញសេដ្ឋកិច្ចរហូតដល់១,៨ ទ្រីលានដុល្លារ

ប្រទេសជប៉ុន បានមើលឃើញឱកាសប្រហែល៨០% នៃការកើតមានគ្រោះរញ្ជួយដីកម្រិតពី៨ ទៅ៩ រ៉ិចទ័រ នៅតាមតំបន់បាតសមុទ្រ ដែលគេហៅថា តំបន់ណានកៃទ្រូ (Nank…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ