Popular

ស្ថានការណ៍ដ៏ក្តៅគគុក កំពុងតែបន្តឆាបឆេះ និងឡើងកំដៅក្រោយបាតុករស្រីវ័យ២០ឆ្នាំម្នាក់ ត្រូវបានគេរាយការណ៍ថា ស្លាប់នៅមន្ទីរពេទ្យនាថ្ងៃទី១៩កុម្ភៈកន្លងទៅ ក្រោយស្ថិតក្នុងការសង្រ្គោះបន្ទាន់អស់រយៈពេលជាច្រើនថ្ងៃ បន្ទាប់ពីនាងត្រូវបានប៉ូលីសបាញ់ចំក្បាលអំឡុងពេលនាងកំពុងធ្វើបាតុកម្មប្រឆាំងនឹងរបបសឹកភូមា។ ក្រោយមរណៈភាពរបស់នាង កំហឹងនិងការតវ៉ាកើតមានកាន់តែខ្លាំងឡើងៗ ជាហេតុនាំឲ្យក្រុមយោធាបានបើកការបាញ់ប្រហារលើហ្វូងបាតុករមួយក្រុម បណ្តាលឲ្យស្លាប់មនុស្ស២នាក់ទៀត និងរបួសជាង២០នាក់។ នេះបើតាមការចុះផ្សាយរបស់សារព័ត៌មាន Asia Nikkei។