#ទីផ្សារភាគហ៊ុន

ចូលដល់ឆ្នាំ២០២២ ក្រុមហ៊ុន Apple បានបំបែកកំណត់ត្រារបស់ខ្លួន ដោយបានក្លាយជាក្រុមហ៊ុនដំបូងគេក្នុងពិភពលោកដែលមានតម្លៃទីផ្សារដល់ទៅ ៣ ទ្រីលានដុល្លារ គិតត្រឹមថ្ងៃទី ៣ មករាដើមឆ្នាំ២០២២នេះ។ ការកើនឡើងតម្លៃទីផ្សាររបស់ Apple នេះ កើតចេញពីទំនុកចិត្តរបស់អ្នកវិនិយោគ ចំពោះការផលិតទូរស័ព្ទ iPhone របស់ក្រុមហ៊ុននេះ នៅតែជាផលិតផលលក់ដាច់បំផុតរបស់ខ្លួនបន្តទៀត ស្របពេលដែល Apple ក៏កំពុងតែស្វែងរកទីផ្សារថ្មីៗដូចជាការផលិតរថយន្តស្វ័យប្រវត្តិ និងបច្ចេកវិទ្យាពិភពនិម្មិតផងដែរ។ នេះបើយោងតាមការចុះផ្សាយដោយសារព័ត៌មាន Nikkei Asia។