#KHQR

ឥឡូវនេះ ភ្ញៀវទេសចរឥណ្ឌា ដែលមកធ្វើដំណើរកម្សាន្ដនៅកម្ពុជា អាចប្រើប្រាស់កម្មវិធីចល័តរបស់គ្រឹះស្ថានហិរញ្ញវត្ថុរបស់ឥណ្ឌា ដើម្បីស្កេនទូទាត់ថ្លៃទំនិញ និងសេវាកម្មតាម ខេអេចឃ្យូអរកូត របស់អាជីវកម្មប្រមាណ ៤លាន៥សែនទីតាំងនៅទូទាំងប្រទេសកម្ពុជា ប្រកបដោយភាពងាយស្រួល រហ័ស និងសុវត្ថិភាព។ ការទូទាត់ឆ្លងដែនរវាងកម្ពុជា និងឥណ្ឌានេះ ត្រូវបានរៀបចំឡើងដោយធនាគារអេស៊ីលីដា ក្រោមកិច្ចសហប្រតិបត្តិការជាមួយនឹងក្រុមហ៊ុនឥណ្ឌា NPCI International និងមានការគាំទ្រពីធនាគារជាតិនៃកម្ពុជា និងធនាគារកណ្ដាលរបស់ឥណ្ឌា Reserve Bank of India។