#ផលិតផលកសិកម្ម

ក្នុងរយៈពេល ១០ខែ ឆ្នាំ២០២១នេះ កម្ពុជា បាននាំចេញកសិផលប្រមាញ ៦លានតោន ទៅកាន់ទីផ្សារគោលដៅចំនួន ៦៨ប្រទេស និងទទួលបានចំណូលប្រមាណ ៤ពាន់លានដុល្លារ។ ក្នុងនោះ ចំណូលពីការនាំចេញអង្ករ មានជាង ៣៩២ លានដុល្លារ។ រីឯ ចំណូលពីការនាំចេញស្រូវ មានជាង ៤៦៥លានដុល្លារ។ ចំណែក ចំណូលពីការនាំចេញកសិផលក្រៅពីស្រូវ-អង្ករ មានជាង ២ពាន់៨រយលានដុល្លារ។ អ្នកជំនាញមើលឃើញថា ការនាំចេញកសិផលរបស់កម្ពុជាកើនឡើងនេះ ដោយសារតែប្រទេសជិតខាង ពិសេសវៀតណាមមានតម្រូវការនាំចូលផលិតផលកសិកម្មកើនឡើងខ្លាំងនៅអំឡុងពេលកូវីដ១៩រាតត្បាតនេះ។