#តំបន់មជ្ឈិមបូព៌ា

អង្គការសហប្រជាជាតិ កាលពីថ្ងៃអង្គារ បានទាមទារឱ្យមានបទឈប់បាញ់មនុស្សធម៌ជាបន្ទាន់នៅក្នុងតំបន់ហ្គាហ្សាស្ទ្រីប ក្រោយទទួលបានសំឡេងគាំទ្រពីប្រទេស១៥៣រួមទាំងកម្ពុជា។ ខណៈដែលប្រធានាធិបតីសហរដ្ឋអាម៉េរិក លោក ចូ បៃដិន វិញ បានព្រមានអ៊ីស្រាអែលថា កំពុងបាត់បង់ការគាំទ្រពីអន្តរជាតិ ដោយសារតែការទម្លាក់គ្រាប់បែក និងការវាយប្រហារមិនរើសមុខទៅលើជនស៊ីវិលប៉ាឡេស្ទីននៅតំបន់ហ្គាហ្សានៅក្នុងសង្គ្រាមកម្ទេចពួកសកម្មប្រយុទ្ធហាម៉ាសជាងពីរខែកន្លងមកនេះ។