#វិស័យពាណិជ្ជកម្ម

ស្របពេលអាស៊ាន កំពុងខិតខំប្រឹងប្រែង និងឈឺក្បាលជាមួយនឹងការចរចាពាណិជ្ជកម្មជាមួយសហរដ្ឋអាម៉េរិក ដើម្បីកាត់បន្ថយពន្ធបដិការនោះ ក្រុមមន្រ្តីអាស៊ាន និងចិន នៅពេលនេះកំពុងប្រឹងប្រែងលើកកម្ពស់កិច្ចព្រមព្រៀងពាណិជ្ជកម្មជាមួយគ្នាបន្ថែមទៀត សំដៅដើម្បីកាត់បន្ថយផលប៉ះពាល់ផ្សេងៗ ដែលបង្កឡើងដោយពន្ធបដិការរបស់អាម៉េរិក។ ជាក់ស្តែងនៅក្នុងត្រីមាសទី១ ឆ្នាំ២០២៥ ពាណិជ្ជកម្មសរុបរវាងអាស៊ាន និងចិន បានឈានដល់ទំហំ២៣៤ពាន់លានដុល្លារ។ នេះបើយោងតាមការចុះផ្សាយរបស់សារព័ត៌មានធំៗជាច្រើន។