#វិស័យពាណិជ្ជកម្ម

ចក្រភពអង់គ្លេស ដែលជាទីផ្សារនាំចេញធំជាងលំដាប់ទី៧របស់កម្ពុជា នៅឆមាសទី១ឆ្នាំនេះ បានសម្រេចបន្តផ្តល់ការលើកលែងពន្ធលើផលិតផលសម្លៀកបំពាក់ និងគ្រឿងអេឡិចត្រូនិកនាំចូលពីកម្ពុជា ដើម្បីលើកកម្ពស់ និងជំរុញពាណិជ្ជកម្មទ្វេភាគីរវាងប្រទេសទាំងពីរឱ្យកាន់តែល្អប្រសើរបន្ថែមទៀត។ អ្នកនាំពាក្យក្រសួងពាណិជ្ជកម្ម បានចាត់ទុកការអនុគ្រោះក្រោមវិធានការពាណិជ្ជកម្មថ្មីរបស់អង់គ្លេសនេះ គឺជាការបើកឱកាសថ្មីបន្ថែមទៀតក្នុងការជំរុញការនាំចេញរបស់កម្ពុជា និងការដោះដូរពាណិជ្ជកម្មរវាងប្រទេសទាំងពីរ ដែលកំពុងមានកំណើនវិជ្ជមានជាបន្តបន្ទាប់។