#វិស័យពាណិជ្ជកម្ម

កិច្ចប្រជុំកំពូលលើកទី២៥ រវាងសហភាពអឺរ៉ុប និងចិន បានបើកនៅថ្ងៃទី២៤ ខែកក្កដា នៅវិមានប្រជាជនក្នុងទីក្រុងប៉េកាំង ប៉ុន្តែលទ្ធផលហាក់មិនសូវមានភាពល្អប្រសើរនោះទេ។ ប្រធានគណៈកម្មការអឺរ៉ុប លោកស្រី អឺស៊ូឡា វុន ឌឺ យេឡេន (Ursula von der Leyen) បានអះអាងថា ទំនាក់ទំនងរវាងអឺរ៉ុប និងចិន បានឈានដល់របត់ ដែលមានការប្រែប្រួលខ្លាំង ខណៈលោក ស៊ី ជីនពីង ប្រធានាធិបតីចិន ប្រាប់ឲ្យអឺរ៉ុប ជ្រើសរើសយុទ្ធសាស្រ្តឲ្យបានត្រឹមត្រូវ នៅក្នុងជំនួបពិភាក្សាដើម្បីដោះស្រាយបញ្ហាអតុល្យភាពពាណិជ្ជកម្ម រ៉ែកម្រ និងបញ្ហានៅអ៊ុយក្រែន។