#វិស័យទេសចរណ៍

ការបន្ធូរបន្ថយលក្ខខណ្ឌមួយចំនួនលើការថតរូបភាព ឬវីដេអូនៅតំបន់អង្គរ កំពុងទទួលបានការចាប់អារម្មណ៍ខ្លាំងពីមហាជន ខណៈកន្លងទៅអាជ្ញាធរបានរឹតត្បិតចំពោះសកម្មភាពទាំងនេះ។ តាមរយៈការបន្ធូរបន្ថយនេះភ្ញៀវទេសចរជាតិ និងអន្តរជាតិ អាចប្រើប្រាស់ទូរសព្ទដៃ ឬកាមេរ៉ាថតរូប ឬវីដេអូនៅក្នុងតំបន់ទេសចរណ៍ប្រវត្តិសាស្ត្រដោយមិនចាំបាច់ស្នើសុំការអនុញ្ញាត។ ប៉ុន្តែបើថតលក្ខណៈអាជីវកម្ម ឬដោយប្រើប្រាស់ដ្រូន គឺចាំបាច់ត្រូវដាក់ពាក្យស្នើសុំការអនុញ្ញាតពីអាជ្ញាធរ។