#វិស័យការងារ

ខណៈដែលភ្លើងសង្គ្រាមនៅតំបន់មជ្ឈិមបូព៌ា និងបញ្ហាភូមិសាស្ត្រនយោបាយកំពុងអង្រួនចរន្តសេដ្ឋកិច្ចសកលឱ្យធ្លាក់ក្នុងភាពស្រពេចស្រពិល និងធ្វើឱ្យវិនិយោគិនអន្តរជាតិរារែកក្នុងការដាក់ទុននោះ ដោយឡែកសម្រាប់កម្ពុជាឯណេះវិញ វិស័យការងារ និងការវិនិយោគហាក់កំពុងបង្ហាញភាពធន់យ៉ាងរឹងមាំ។ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានអះអាងថា ទីផ្សារការងារនៅកម្ពុជានៅតែរក្សាបានសញ្ញាវិជ្ជមាន ដោយសារម៉ាស៊ីនសេដ្ឋកិច្ចក្នុងស្រុកនៅតែមានសក្តានុពលខ្ពស់ក្នុងការទាក់ទាញខ្សែភ្នែកវិនិយោគិន។