#វិស័យការងារ

មន្រ្តីជាន់ខ្ពស់នៃក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា គិតត្រឹមឆ្នាំ២០២៣ កម្ពុជាបានផ្ដល់ឱកាសការងារនៅក្រៅប្រទេសជូនដល់ប្រជាពលរដ្ឋជាង១លាន៣សែននាក់ និងទទួលបានប្រាក់ចំណូលជិត៣ពាន់លានដុល្លារអាម៉េរិក។ ការចេញទៅធ្វើការនៅបរទេសនេះ ត្រូវបានអ្នកនាំពាក្យក្រសួងការងារគូសបញ្ជាក់ថា មិនត្រឹមតែទទួលបានចំណូលសម្រាប់ទ្រទ្រង់គ្រួសារប៉ុណ្ណោះទេ ប៉ុន្តែថែមទាំងរួមចំណែកក្នុងការជួយកសាងសេដ្ឋកិច្ចជាតិ និងកាត់បន្ថយភាពក្រីក្រផងដែរ។