ក្រុមហ៊ុនខ្នាតធំៗរបស់ជប៉ុន បង្កើនប្រាក់ឈ្នួលដល់បុគ្គលិកក្នុងការចាកចេញពីការវង្វេងផ្លូវជាច្រើនទសវត្សរ៍មកនេះ

រៀងរាល់រដូវផ្ការីកចូលមកដល់ សហជីព និងអ្នកគ្រប់គ្រងក្រុមហ៊ុនតែងតែប្រជុំពិភាក្សាគ្នាដើម្បីកំណត់ប្រាក់ឈ្នួលប្រចាំខែមុនពេលចាប់ផ្តើមឆ្នាំសារពើពន្ធរបស់ប្រទេសជប៉ុន នៅក្នុងខែមេសា។ ក្រុមហ៊ុនខ្នាតធំៗដូចជាក្រុមហ៊ុន Toyota Motor ក្រុមហ៊ុន Hitachi និងក្រុមហ៊ុនPanasonic ជាដើម គឺស្ថិតក្នុងចំណោមក្រុមហ៊ុនខ្នាតធំដ៏ទៃទៀត ដែលបានបំពេញតាមតម្រូវការពេញលេញរបស់សហជីពកម្មករក្នុងការដំឡើងប្រាក់ឈ្នួល។

ក្រុមហ៊ុនដែកជប៉ុន Nippon Steel បានឆ្លើយតបលើសពីការទាមទាររបស់សហជីពទៅទៀត ដោយដំឡើងប្រាក់ឈ្នួលប្រចាំខែ ចំនួន២៣៧ដុល្លារ។ ក្រុមហ៊ុនផលិតដែកថែបមួយនេះ បាននិយាយថា វាចាំបាច់ណាស់ក្នុងការធានាបាននូវទេពកោសល្យដ៏ល្អ និងធ្វើឱ្យបុគ្គលិកទាំងអស់កាន់តែមានផលិតភាពការងារល្អប្រសើរ។

ក្រុមហ៊ុនហ៊ីតាឈី និងក្រុមហ៊ុនតូស៊ីបា បាននិយាយថា ក្រុមហ៊ុនបានដំឡើងប្រាក់ឈ្នួលខ្ពស់បំផុតមិនធ្លាប់មានចាប់តាំងពីក្រុមហ៊ុនទាំងនេះ បានចរចាដំឡើងប្រាក់ឈ្នួលដល់បុគ្គលិករបស់ពួកគេនៅឆ្នាំ១៩៩៨។​

ប្រធាន ក្រុមប្រឹក្សាសហជីពរបស់ប្រទេសជប៉ុន លោក អាគីហ៊ីរ៉ូ កាណេកូ (Akihiro Kaneko) បាននិយាយក្នុងសន្និសីទសារព័ត៌មាន កាលពីថ្ងៃពុធថា ពួកគេជឿជាក់ថា ការឆ្លើយតបនេះ​នឹងដើរតួជាកម្លាំងជំរុញដែលអាចសម្រេចបាននូវវដ្តប្រកបដោយគុណធម៌នៅក្នុងសេដ្ឋកិច្ចជប៉ុន ហើយវាមានសារសំខាន់ណាស់ក្នុងការផ្សព្វផ្សាយ«និន្នាការវិជ្ជមានដ៏ខ្លាំងក្លានេះ»ទៅដល់សហជីពផ្សេងទៀតនៅក្នុងឧស្សាហកម្ម និងទៅដល់អ្នកដែលមិនមានសហជីពផងដែរ៕

អត្ថបទ៖ សុខ ជា