#វិស័យកសិកម្ម

ស្របពេលកសិករធ្វើស្រែមួយចំនួននៅក្នុងខេត្តតាកែវ និងព្រៃវែងជាដើមកំពុងជួបបញ្ហាទីផ្សារ និងស្រូវធ្លាក់ថ្លៃ ក្រសួងកសិកម្មរុក្ខាប្រមាញ់និងនេសាទបានដាក់ចេញផែនមួយចំនួន ដើម្បីជួយដោះស្រាយបញ្ហានេះ ក៏ដូចជាជួយលើកកម្ពស់ទីផ្សារស្រូវអង្ករនៅកម្ពុជា។ យន្តការមួយក្នុងចំណោមយន្តការជាច្រើន ក្រសួងកសិកម្មនឹងសហការជាមួយរោងម៉ាស៊ីនដែលទទួលបានហិរញ្ញប្បទានពីរដ្ឋជួយប្រមូលទិញស្រូវពីកសិករឲ្យចំគោលដៅដែលកំពុងខ្វះទីផ្សារ។