#វិស័យកសិកម្ម

អ្នកមានចម្ការស្វាយត្រូវប្រមូលផលនៅដើមឆ្នាំនេះកំពុងត្រូវប៉ាន់ ក្រោយតម្រូវការ និងតម្លៃផ្លែស្វាយបានហក់ឡើងខ្ពស់គួរឱ្យកត់សម្គាល់។ ជាក់ស្តែងបើតាមការគូសបញ្ជាក់របស់អ្នកដាំ និងអ្នកប្រមូលទិញផ្លៃស្វាយ ផ្លែស្វាយអាចលក់បានចន្លោះពី៩០០រៀលទៅជាង២,០០០ពាន់រៀលក្នុង១គីឡូក្រាមទៅតាមប្រភេទផ្លែស្វាយ ហើយតម្លៃនេះអាចផ្តល់ប្រាក់ចំណេញសមរម្យដល់កសិករ។ ស្របពេលតម្លៃស្វាយកំពុងមានការកើនឡើង តែការប្រមូលទិន្នផលស្វាយនៅឆ្នាំនេះបែរជាមានការធ្លាក់ចុះជាងឆ្នាំមុនទៅវិញ ។