វុធ ច័ន្ទតារា

តម្លៃប្រាក់រូប្លដែលជារូបិយបណ្ណរបស់រុស្ស៊ីបានងើបឡើងវិញបន្តិចហើយនៅថ្ងៃចន្ទដើមសប្តាហ៍នេះ ក្រោយពីនៅសប្តាហ៍មុនលុយរូប្លធ្លាក់ចុះដល់ទៅកម្រិតទាបបំផុតមិនធ្លាប់មានក្នុងរយៈពេល១០ខែចុងក្រោយ បើធៀបនឹងប្រាក់ដុល្លារអាមេរិក។ ការធ្លាក់ចុះនេះ គឺដោយសារ និន្នាការធ្លាក់ចុះការនាំចេញប្រេង ដែលបង្កឡើងដោយទណ្ឌកម្មហ៊ុមព័ទ្ធលើផលិតផលប្រេងរបស់រុស្ស៊ី និងការកើនឡើងនៃតម្រូវការរូបិយបណ្ណបរទេស។ នេះបើតាមការចុះផ្សាយដោយសារព័ត៌មានរ៉យទ័រ។