វុធ ច័ន្ទតារា

អង់គ្លេសចេញមុខដោយពេញទំហឹងគាំទ្រប្រទេសលីទុយអានី ជាមួយសម្ព័ន្ធមិត្ត ដែលមានសហរដ្ឋអាមេរិក អូស្ត្រាលី និងសហភាពអឺរ៉ុបក្នុងសំណុំរឿងជម្លោះពាណិជ្ជកម្មជាមួយប្រទេសចិន ដែលអឺរ៉ុបបានប្ដឹងទៅអង្គការពាណិជ្ជកម្មពិភពលោកឲ្យជួយដោះស្រាយ កាលពីខែមុន។ បើទោះបីជាចក្រភពអង់គ្លេស បានចាកចេញពីសហភាពអឺរ៉ុបទៅហើយក្តី ក៏ប៉ុន្តែការសម្រេចចិត្តចេញមុខគាំទ្រនេះ ត្រូវបានរដ្ឋមន្ត្រីពាណិជ្ជកម្មអង់គ្លេសអះអាងថា ដើម្បីប្រឆាំងការធ្វើពាណិជ្ជកម្មដែលមានលក្ខណៈបង្ខិតបង្ខំរបស់ចិន។ នេះបើតាមការចុះផ្សាយដោយសារព័ត៌មានរ៉យទ័រ។