វុធ ច័ន្ទតារា

បន្ទាប់ពីការបាញ់សាកល្បងមីស៊ីលរបស់កូរ៉េខាងជើងកាលពីថ្ងៃអង្គារ ក្នុងថ្ងៃពុធទី២០តុលានេះ សារព័ត៌មានរដ្ឋកូរ៉េខាងជើង KCNA បានចុះផ្សាយដោយបានទទួលស្គាល់ថា ក្រុងព្យុងយ៉ាងពិតជាបានបាញ់សាកល្បងមីស៊ីលចេញពីនាវាមុជទឹករបស់ខ្លួនពិតមែន។ សកម្មភាពនេះ ត្រូវបានក្រុមអ្នកវិភាគអះអាងថា ជាផែនការអភិវឌ្ឍន៍សមត្ថភាពប្រតិបត្តិការយោធារបស់កូរ៉េខាងជើង តាមរយៈការប្រើប្រាស់មីស៊ីលចេញពីនាវាមុជទឹក។