ហំ ផានិត

ប្រទេសកម្ពុជា និង ថៃ នៅដើមឆ្នាំនេះ កំពុងជួបទុក្ខដោយសារកូវីដ-១៩ រាតត្បាតមិនចាញ់គ្នាប៉ុន្មានទេ ហើយបើមើលទៅលើការធ្វើពាណិជ្ជកម្មរវាងប្រទេសទាំងពីរទៀតសោតក៏ដាំក្បាលចុះដែរនៅដើមឆ្នាំ២០២១នេះ។ ជាក់ស្ដែង នៅត្រីមាសទី១កន្លងទៅនេះ កម្ពុជា និងថៃ សម្រេចបានទំហំពាណិជ្ជកម្មទ្វេភាគីមានប្រមាណជិត ៩០០លានដុល្លារ មានការថយចុះជាង១០% បើធៀបរយៈពេលដូចគ្នាកាលពីឆ្នាំមុន។