​ ខេមបូណូមីស

គណៈកម្មាធិការមួយរបស់ព្រឹទ្ធសភាថៃ បានបង្ហាញជំហររួមគ្នាជាឯកច្ឆន្ទ​ដោយអំពាវនាវឱ្យមានការលុបចោលអនុស្សរណៈយោគយល់គ្នាឆ្នាំ២០០០ ដែលថៃ ហៅថា MOU 43 ដោយសម្អាងថា កិច្ចព្រមព្រៀងព្រំដែនកម្ពុជា-ថៃនេះ មានចំណុចខ្វះខាតផ្នែកច្បាប់ ព្រមទាំងមិនដែលទទួលបានការអនុម័តជាផ្លូវការពីគណៈរដ្ឋមន្ត្រី ឬរដ្ឋសភារបស់ថៃ។ ជាមួយគ្នានេះភាគីថៃ ក៏បានអះអាងដែរថា ការពឹងផ្អែកលើផែនទីសម័យអាណានិគមបារាំង បានធ្វើឱ្យជម្លោះរឿងព្រំដែនរវាងប្រទេសទាំងពីរកាន់តែមានភាពស្មុគស្មាញ និងធ្ងន់ធ្ងរឡើង។