​ ខេមបូណូមីស

ឆ្នាំ២០២២គឺជាឆ្នាំដែលក្តៅជាងគេបំផុតជាលើកទី៥ មិនធ្លាប់មាននៅលើភពផែនដីយើងនេះ ក្នុងចំណោមឆ្នាំណាៗទាំងអស់ ដែលគេធ្លាប់កត់ត្រាទុក។ នេះបើតាមរបាយការណ៍របស់ទីភ្នាក់ងារអឺរ៉ុបសម្រាប់ការតាមដានការប្រែប្រួលអាកាសធាតុ ដែលបានចេញផ្សាររបាយការណ៍ថ្មីចុងក្រោយមួយ កាលពីថ្ងៃអង្គារសប្តាហ៍នេះ។ កំដៅកើនឡើងខ្លាំងនេះ គឺជាផ្នែកមួយ នៃការប្រែប្រួលអាកាសធាតុនៅប៉ុន្មានឆ្នាំចុងក្រោយនេះ បន្ទាប់ពីមនុស្សនៅតែបន្តបញ្ចេញឧស្ម័នផ្ទះកញ្ចក់ជាច្រើនទៅក្នុងបរិយាកាស។