មង្គល ចាន់

ភាគហ៊ុននៅអាស៊ី បានកើនឡើងស្ទើរតែនឹងបំបែកនូវកំណត់ត្រាថ្មី នៅថ្ងៃចន្ទ ទី ៨ ខែកុម្ភៈ ខណៈដែលតម្លៃប្រេងវិញ ក៏បានហក់ឡើងដល់ប្រមាណ ៦០ដុល្លារអាមេរិកក្នុងមួយធុងបារ៉ែលផងដែរ។ ការកើនឡើងនេះ ក៏ដោយសារតែទីផ្សារមានក្ដីសង្ឃឹមទៅលើកញ្ចប់ថវិកាជំនួយសម្រាប់ជំរុញសេដ្ឋកិច្ចជិត២ទ្រីលានដុល្លាររបស់សហរដ្ឋអាមេរិក ដែលនឹងត្រូវបានអនុម័ត ដោយសមាជិកសភាអាមេរិកនៅក្នុងខែកុម្ភៈនេះ នៅចំពេលដែលវ៉ាក់សាំងកូវីដ-១៩ ក៏កំពុងត្រូវបានចែកចាយនិងចាក់នៅតាមប្រទេសមួយចំនួននៅទូទាំងសកលលោកផងដែរ។