សន ពុទ្ធិកា

អគ្គនាយករដ្ឋាករទឹកស្វយ័តក្រុងភ្នំពេញ បានសន្យាថា នឹងដាក់ទិសដៅអាជីវកម្ម និង ឆន្ទៈរបស់ខ្លួន ក្នុងការអនុវត្តផែនការមេ ដំណាក់កាលទី ៣ ដើម្បីពង្រឹង និងពង្រីកសមត្ថភាពផ្គត់ផ្គង់ទឹកស្អាត សម្រាប់ប្រើប្រាស់នៅរាជធានីភ្នំពេញ ឲ្យបាន ១០០ភាគរយ នៅត្រឹមឆ្នាំ ២០២៥ខាងមុខនេះ ដើម្បីជាការឆ្លើយតប និង ចូលរួមចំណែកសម្រេចឲ្យបាននូវ គោលនយោបាយទឹកស្អាតរបស់ប្រមុខរាជរដ្ឋាភិបាលកម្ពុជា ដែលបានកំណត់ថា “ ប្រជាពលរដ្ឋរស់នៅតាមទីក្រុង និង ទីប្រជុំជនទូទាំងប្រទេសនឹងទទួលបាននូវការផ្គត់ផ្គង់ទឹកស្អាត១០០ភាគរយនៅឆ្នាំ ២០២៥ ”។