Advertisement
ការវិនិយោគពីក្រៅប្រទេស -វៀតណាម

វិនិយោទុន​បរទេស សម្រុកទៅវិនិយោគនៅវៀតណាម ក្នុងតម្លៃ ១៤ពាន់លានដុល្លារ ៤ខែដំបូងឆ្នាំនេះ


គិតត្រឹមតែរយៈពេល ៤ខែដំបូង ដើមឆ្នាំ ២០១៩នេះ ប្រទេសវៀតណាម ទទួលបានការវិនិយោគពីក្រៅប្រទេស កើនឡើងខ្ពស់រហូតដល់ជាង ១៤ពាន់លានដុល្លារអាមេរិកឯណោះ ដែលកើនឡើងប្រមាណជាង ៨០ភាគរយ ធៀបនឹងរយៈពេលដូចគ្នា កាលពីឆ្នាំ ២០១៨។ នេះបើយោងតាមការចេញផ្សាយរបស់សារព័ត៌មានវៀតណាម។
វៀតណាម រំពឹងនាំចេញគ្រឿងសមុទ្រតម្លៃជាង ៣.៥00 លានដុល្លារ ក្នុងឆ្នាំ ២០១៩នេះ (www.vietnamnet.vn)
ដោយ
Advertisement

ទីក្រុង ហាណូយ ទាក់ទាញ​ចំណែកវិនិយោគ​ធំជាង​គេ​រហូតដល់​ទៅ ៤.៤០០ លាន​ដុល្លារ​អាមេរិក ស្មើនឹង ៣០ភាគរយនៃ ការវិនិយោគ​សរុប រីឯទីក្រុង​ហូជីមិញ ជាប់លំដាប់​ទី ២ ទាក់ទាញ​ការវិនិយោគ​ជាង ២.៣០០ លាន​ដុល្លារអាមេរិក។

ក្រសួងផែនការ និងវិនិយោគ​វៀតណាម​ បានបង្ហាញ​ឲ្យដឹងថា វិនិយោគិន​បរទេស បាន​ចាក់បញ្ចូលទុន​របស់ពួកគេ​ទៅក្នុង ១៩វិស័យផ្សេងៗគ្នា ក្នុង​នោះវិស័យ​ឧស្សាហកម្ម​ផលិត មានជាង ១០,៥ ពាន់​លាន​ដុល្លារអាមេរិក​ ស្មើនឹង ៧២ភាគរយ​នៃលំហូរ​វិនិយោគសរុប។

ការវិនិយោគ​ក្នុងវិស័យ​អចលនទ្រព្យ​នៅតែខ្លាំង ដែលមាន​ទុនវិនិយោគជាង ១ពាន់​លានដុល្លារ​អាមេរិក និងវិស័យលក់ដុំ និងរាយ ជាមួយទុន​ជាង ៧៤០លានដុល្លារ​អាមេរិក។

ឆ្នាំនេះវៀតណាម​មានការវិនិយោគ​លើ គម្រោងថ្មី មានរហូត​ដល់ទៅជាង ១ពាន់គម្រោង ដែលទទួល​បានការអនុញ្ញាត​ជាស្ថាពរ ដែលមានទុន​ចុះបញ្ជី ៥ពាន់លាន​ដុល្លារអាមេរិក ខណៈដែរ គម្រោងដែល​មានស្រាប់​ជិត ៤០០គម្រោង មានការ​បន្ថែមទុន​ជាង ២ពាន់លាន​ដុល្លារ​អាមេរិក។

ហុងកុង ជាអ្នកវិនិយោគ​ច្រើនជាង​គេបង្អស់ ដែលបាន​បោះទុន​ប្រមាណ ៤.៧០០​លាន​ដុល្លារ​អាមេរិក ក្នុងចំណោម​ប្រទេសទាំង ៨០ ដែលកំពុង​វិនិយោគ​នៅក្នុង​វៀតណាម ខណៈដែរ កូរ៉េ ឈរលំដាប់​ថ្នាក់លេខ ២ វិនិយោគជិត ២ពាន់លាន​ដុល្លារអាមេរិក និងសិង្ហបុរី ជាប់លេខ ៣ វិនិយោគ​ជាង ១,៨ពាន់​លាន​ដុល្លារអាមេរិក។

គួរជម្រាបដែរថា ក្នុងឆ្នាំ ២០១៨កន្លងទៅ ប្រទេសវៀតណាម ទទួលបាន​ការវិនិយោគ​ដោយផ្ទាល់ពី​បរទេស គិតជាទឹក​ប្រាក់ប្រមាណ ១៩ពាន់លាន​ដុល្លារអាមេរិក ដែលកើន​ឡើងប្រមាណ ៩ភាគរយ ធៀបនឹងឆ្នាំ ២០១៧៕

© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ស្ថាប័នផ្សព្វផ្សាយទេសចរណ៍របស់អាល្លឺម៉ង់ ជ្រើសរើសខេត្តសៀមរាប ជាគោលដៅទេសចរណ៍លេខ ១ សម្រាប់ឆ្នាំ ២០១៩

ព័ត៌មាន
ស្ថាប័នផ្សព្វផ្សាយទេសចរណ៍អន្តរជាតិរបស់អាល្លឺម៉ង់មួយ ដែលមានឈ្មោះថា You Discover បានជ្រើសរើសយក ខេត្តសៀមរាប ជាគោលដៅទេសចរណ៍លេខ ១ សម្រាប់...

ធនាគារជាតិ ចេញមុខបកស្រាយរឿង រិះគន់ការប្រើប្រាស់ ក្រដាសប្រាក់យ័នចិន ក្នុងទីផ្សារកម្ពុជា

ព័ត៌មាន
ធនាគាជាតិនៃកម្ពុជាបានចេញមុខបកស្រាយ ដើម្បីបញ្ចប់មន្ទិលសង្ស័យពីការប្រើប្រាស់សាច់ប្រាក់យ័នចិនទៅដល់សាធារណៈជន ដែលបានធ្វើការរិះគន់កន្លងមកនេ...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ