កសិកម្ម

នៅក្នុងអំឡុងពេលនៃការកើតមាននូវបញ្ហារីករាលដាលនូវកូវីដ-១៩នេះ មានផលិតផលកសិកម្មរបស់កម្ពុជាមួយចំនួនមានទីផ្សារល្អ ក៏ប៉ុន្ដែក៏មានផលិតផលខ្លះទៀតបានជួបបញ្ហាផងដែរ។ ជាក់ស្ដែង ម្រេចកំពត ដែលជាផលិតផលសម្គាល់ភូមិសាស្ត្រ (GI) និងធ្លាប់តែលក់បានក្នុងតម្លៃខ្ពស់ នាំចេញទៅបណ្ដាប្រទេសជាច្រើននៅក្នុងពិភពលោកនោះ បាននិងកំពុងជួបបញ្ហាទីផ្សារ ដោយសារតែមិនអាចនាំចេញបាន ក្រោយពីមានបញ្ហាផ្ទុះរាលដាលនៃមេរោគកូវីដ-១៩ ដែលបានធ្វើឲ្យម្ចាស់ចម្ការត្រូវបង្ខំចិត្តហាលម្រេចស្ដុកទុករងចាំលក់ក្រោយស្ថានភាពកូវីដ-១៩ ធូរស្បើយឡើងវិញ។