គំនិតអាជីវកម្ម

ក្រុមហ៊ុនFoxconn ដ៏ធំរបស់កោះតៃវ៉ាន់ ដែលគេស្គាល់ថាជាក្រុមហ៊ុនផលិតគ្រឿងអេឡិចត្រូនិកផ្គត់ផ្គង់ឲ្យក្រុមហ៊ុអាមេរិក Appleនោះបច្ចុប្បន្នកំពុងសម្រួចផែនការយុទ្ធសាស្ត្ររបស់ខ្លួន ដើម្បីហក់ចូលក្នុងវិស័យផលិតរថយន្ដអគ្គិសនីដែរហើយ។ ជាក់ស្ដែង ថ្មីៗនេះ Foxconn បានអះអាងថា ខ្លួនគ្រោងនឹងសាងសង់រោងចក្រផលិតរថយន្តអគ្គិសនីនៅសហរដ្ឋអាមេរិក និងប្រទេសថៃនៅឆ្នាំ២០២២ខាងមុខនេះ ក្រៅពីប្រទេសទាំងនេះ ក្រុមហ៊ុនរបស់តៃវ៉ាន់មួយនេះ ក៏កំពុងសិក្សាពីទីតាំងផ្សេងទៀតដែរ ជាពិសេសនៅទ្វីបអឺរ៉ុបជាដើម។ នេះបើតាមការចេញផ្សាយរបស់សារព៍ត៌មាន Nikkei Asia។