តើ​អ្នក​ដឹងទេ?

ប្រទេសអ៊ុយក្រែន នៅដើមសប្តាហ៍នេះកំពុងខ្នះខ្នែងរត់រកប្រទេសលោកខាងលិច និងស្ថាប័នអន្តរជាតិ ឲ្យជួយផ្ដល់ធនធានថវិកាមួយចំនួនធំ ដើម្បីទុកជាទុនត្រៀមស្តារប្រទេសឡើងវិញ ពីភាពខ្ទេចខ្ទាំដែលបង្កឡើងដោយសារសង្គ្រាមឈ្លានពានរបស់រុស្ស៊ី។ ប្រធានាធិបតីអ៊ុយក្រែនលោក ហ្សេលេនស្គី បាននិយាយនៅថ្ងៃចន្ទទី១៨មេសាថា លោកបានជួបនិយាយជាមួយមូលនិធិរូបិយវត្ថុអន្តរជាតិ IMF រួចហើយ អំពីកញ្ចប់ថវិកាដើម្បីរក្សាស្ថិរភាពហិរញ្ញវត្ថុរបស់អ៊ុយក្រែន និងផ្តោតលើការកសាងប្រទេសឡើងវិញ ក្រោយសង្គ្រាម។