Latest

ស្ថិតក្នុងបរិបទបច្ចុប្បន្ន វិស័យសហគ្រាសធុនតូចនិងមធ្យម(SME) បានដើរតួនាទី និងរួមចំណែកយ៉ាងសំខាន់ក្នុងការគាំទ្រកំណើនសេដ្ឋកិច្ច ដោយបានរួមចំណែក៩៨ភាគរយ នៃអាជីវកម្មទាំងអស់នៅកម្ពុជា ថែមទាំងបានរួមចំណែកប្រមាណ៥៨ភាគរយ នៃផលិតផលក្នុងស្រុកសរុប។ ក៏ប៉ុន្តែ បើទោះជាបែបនេះក្ដី អ្នកជំនាញកត់សម្គាល់ឃើញថា ការធ្វើអាជីវកម្មរបស់វិស័យនេះមួយចំនួន ហាក់មិនទាន់អាចរលាស់ខ្លួន ឬអភិវឌ្ឍខ្លួនខ្លាំងនោះទេ មានន័យថា សហគ្រិន ឬម្ចាស់អាជីវកម្មភាគច្រើននៅតែបន្តការធ្វើអាជីវកម្មរបស់ខ្លួនតាមបែបប្រពៃណី។