Latest

មូលនិធិរូបិយវត្ថុអន្តរជាតិ ឬហៅកាត់ថា IMF កាលពីថ្ងៃអង្គារបានព្រមានថា សេដ្ឋកិច្ចអាមេរិកកំពុងប្រឈមកាន់តែខ្លាំងនៃការធ្លាក់ចូលទៅក្នុងវិបត្តិ។ ការព្រមានដូច្នេះ ធ្វើឡើងនៅក្រោយដែល IMF បានកាត់បន្ថយការព្យាករណ៍ថ្មីចុងក្រោយរបស់ខ្លួនសម្រាប់កំណើនសេដ្ឋកិច្ចអាមេរិកនៅឆ្នាំ២០២២ មកនៅត្រឹម ២,៣%ប៉ុណ្ណោះ ហើយ នេះជាការទម្លាក់កំណើនសេដ្ឋកិច្ចរបស់មហាអំណាចពិភពលោកអាមេរិកជាលើកទី២ហើយ ក្នុងពេលមិនដល់មួយខែផង ក្រោយ IMF កាលពីចុងខែមិថុនាបានធ្លាប់បានព្យាករណ៍សេដ្ឋកិច្ចអាមេរិកម្តងរួចមកហើយថានឹងមានកំណើន ២,៩%។