Latest

ទន្ទឹមគ្នានឹងតម្រូវការផ្នែកលំនៅដ្ឋានមានការកើនឡើងគួរឱ្យកត់សម្គាល់ គេសង្កេតឃើញក្រុមហ៊ុនអភិវឌ្ឍអចលនទ្រព្យជាច្រើនកំពុងបង្កើនការសាងសង់គេហដ្ឋានទំនើបចម្រុះ ដើម្បីផ្ដល់ជម្រើសយ៉ាងសម្បូរបែបជូនដល់អតិថិជនរបស់ខ្លួន។ តួយ៉ាង លំនៅដ្ឋានដែលមានសន្ទុះការសាងសង់ខ្ពស់ក្នុងពេលបច្ចុប្បន្នគឺប្រភេទផ្ទះសម្រាប់ប្រកបអាជីវកម្ម (ហ្សបហោស៍) ប៉ុន្តែអតិថិជនមួយចំនួននៅមិនទាន់អាចសម្រេចចិត្តបានច្បាស់ថាគួរទិញផ្ទះអាជីវកម្ម ឬគេហដ្ឋានសម្រាប់រស់នៅធម្មតា? ហើយគេហដ្ឋានសម្រាប់រស់នៅធម្មតានោះអាចបើកប្រកបអាជីវកម្មបានដែរឬក៏អត់?