ប្រព័ន្ធរ៉ុក្កែត HIMARS

ថៃគ្រោងចំណាយ ១២៣ លានដុល្លារ ដើម្បីទិញប្រព័ន្ធរ៉ុក្កែត HIMARS ពីអាមេរិក ដែលអាច​ជាការទិញ​​លើកដំបូងនៅ​អាស៊ីអាគ្នេយ៍ដីគោក


ប្រទេសថៃមានគម្រោងចំណាយប្រាក់ប្រមាណ ១២៣ លានដុល្លារអាមេរិក ដើម្បីទិញប្រព័ន្ធរ៉ុក្កែត​កាំភ្លើងធំ​ចល័តកម្រិតខ្ពស់ ឬហៅកាត់ថា HIMARS ផលិតដោយសហរដ្ឋអាមេរិក។ ប្រសិនបើ​កិច្ចព្រមព្រៀងនេះ​​សម្រេចបានមែន ថៃនឹងក្លាយជាប្រទេសដំបូងគេនៅតំបន់​អាស៊ីអាគ្នេយ៍​ដីគោក ដែលទិញប្រព័ន្ធ​រ៉ុក្កែតប្រភេទនេះ។ នេះបើយោងតាម​សេចក្ដី​ថ្លែងការណ៍​របស់សេតវិមាននៅថ្ងៃទី ១៨ ខែវិច្ឆិកា ឆ្នាំ២០២៦។
ប្រព័ន្ធរ៉ុក្កែត HIMARS
ដោយ

ការប្រកាសអំពីគម្រោងរបស់ថៃក្នុងការទិញអាវុធពីអាម៉េរិកនេះ ធ្វើឡើងស្របពេលដែលលោក ដូណាល់ ត្រាំ បានប្រកាសពីកិច្ចព្រមព្រៀងពាណិជ្ជកម្ម និងការវិនិយោគជាច្រើន ដែលមានតម្លៃសរុបជាង ១៧ ពាន់លានដុល្លារ រវាងក្រុមហ៊ុនអាមេរិក និងប្រទេសនានានៅអាស៊ីអាគ្នេយ៍ បន្ទាប់ពីដំណើរទស្សនកិច្ចរយៈពេលពីរថ្ងៃរបស់លោកទៅកាន់ប្រទេសហ្វីលីពីន ក្នុងឱកាសកិច្ចប្រជុំកំពូលអាស៊ាន។
គួរកត់សម្គាល់ថា HIMARS (High Mobility Artillery Rocket System) ដែលថៃគ្រោងទិញនេះ គឺជាប្រព័ន្ធបាញ់រ៉ុក្កែត និងមីស៊ីលចល័តខ្ពស់ ដែលផលិតដោយក្រុមហ៊ុនអាមេរិក Lockheed Martin។ ប្រព័ន្ធនេះត្រូវបានដំឡើងលើរថយន្តយោធាចល័ត មានសមត្ថភាពបាញ់គ្រាប់រ៉ុក្កែតដឹកនាំ និងគ្រាប់មីស៊ីលប្រភេទផ្សេងៗ អាស្រ័យលើគ្រាប់រំសេវដែលប្រើប្រាស់។
ចំណុចដែលគួរឱ្យចាប់អារម្មណ៍ គឺ HIMARS ជាប្រព័ន្ធអាវុធដែលត្រូវបានប្រើប្រាស់ក្នុងសង្គ្រាមអ៊ុយក្រែន និងទទួលបានការចាប់អារម្មណ៍យ៉ាងខ្លាំង ដោយសារសមត្ថភាពវាយប្រហារគោលដៅពីចម្ងាយ និងអាចផ្លាស់ទីបានលឿនក្រោយការបាញ់។
ប្រសិនបើថៃទិញប្រព័ន្ធនេះមែន វានឹងក្លាយជាការផ្លាស់ប្តូរដ៏សំខាន់មួយក្នុងការពង្រឹងសមត្ថភាពអាវុធរយៈចម្ងាយឆ្ងាយរបស់យោធាថៃ។
ក្រៅពីគម្រោងលក់ប្រព័ន្ធ HIMARS ឱ្យថៃ សហរដ្ឋអាមេរិកក៏បានប្រកាសពីកិច្ចព្រមព្រៀងធំៗផ្សេងទៀតក្នុងតំបន់ផងដែរ។ ក្នុងនោះ ក្រុមហ៊ុន Boeing និង GE Aerospace បានសម្រេចកិច្ចព្រមព្រៀងលក់យន្តហោះ Boeing 787 ចំនួន ២០ គ្រឿងឱ្យក្រុមហ៊ុនអាកាសចរណ៍ Philippine Airlines របស់ហ្វីលីពីន ក្នុងតម្លៃប្រមាណ ១២ ពាន់លានដុល្លារ។
ជាមួយគ្នានេះ អាមេរិក និងហ្វីលីពីនក៏គ្រោងស្វែងរកហិរញ្ញប្បទានជាង ២ ពាន់លានដុល្លារ ដើម្បីគាំទ្រដល់ការទិញសម្ភារយោធារបស់ហ្វីលីពីន ខណៈអាមេរិកនឹងផ្តល់ថវិកាចំនួន ៤០០ លានដុល្លារ សម្រាប់ជួយពង្រឹងសមត្ថភាពប្រតិបត្តិការយោធារបស់ហ្វីលីពីននៅសមុទ្រចិនខាងត្បូង។
ចំណែកប្រទេសឥណ្ឌូណេស៊ី ក្រុមហ៊ុន Latitude Energy របស់អាមេរិក និងមូលនិធិទ្រព្យសម្បត្តិអធិបតេយ្យរបស់ឥណ្ឌូណេស៊ី ឈ្មោះ Danantara កំពុងចរចាលើគម្រោងថាមពលធ្យូងថ្មមួយ ដែលមានទំហំទឹកប្រាក់ប្រមាណ ២ ពាន់លានដុល្លារ។ រីឯប្រទេសម៉ាឡេស៊ី និងព្រុយណេ ក៏ទទួលបានគម្រោងសហប្រតិបត្តិការផ្នែកបច្ចេកវិទ្យាបញ្ញាសិប្បនិម្មិត (AI) និងហេដ្ឋារចនាសម្ព័ន្ធមជ្ឈមណ្ឌលទិន្នន័យផងដែរ។

អត្ថបទ៖ ខេមបូណូមីស




អត្ថបទបន្ទាប់


តើតម្លៃមាសអាចធ្លាក់ចុះដល់៤,០០០ដុល្លារក្នុង១តម្លឹងទេ ក្រោយធ្លាក់ចុះជាបន្តបន្ទាប់នៅប៉ុន្មានថ្ងៃចុងក្រោយ?

តម្លៃហាងឆេងមាសនៅកម្ពុជា និងទីផ្សារអន្តរជាតិ បានបន្តធ្លាក់ចុះជាបន្តបន្ទាប់នៅប៉ុន្មានថ្ងៃចុងក្រោយនេះ ដោយនៅថ្ងៃទី១៩ ខែវិច្ឆិកា មាសត្រូវបានជួញ…

តើទីផ្សារអង្ករកម្ពុជា អាចរងសម្ពាធទេ ប្រសិនបើ​​ឥណ្ឌា បញ្ចេញអង្ករ ដែលផលិតលើស​​តម្រូវការទៅក្នុងទីផ្សារ​?

កម្ពុជា ជាប្រទេសមួយ ដែលស្ថិតក្នុងចំណោមប្រទេសធំៗ​ក្នុងពិភពលោក ​ដែលនាំចេញអង្ករបានច្រើនទៅកាន់ទីផ្សារអន្តរជាតិ​។ អង្ករដែលកម្ពុជា នាំចេញភាគច្រ…

ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ