ការពង្រីកការផ្តល់ជូនប័ណ្ណឥណទានវីសា Maybank Manchester United មកកាន់ប្រទេសកម្ពុជានឹងនាំអតិថិជនឱ្យកាន់តែខិតជិតក្លឹបដែលខ្លួនស្រលាញ់តាមរយៈយុទ្ធនាការ Live United, Experience the Dream with Maybank ដែល ផ្តល់ឱកាសដល់ម្ចាស់ប័ណ្ណដើម្បីឈ្នះដំណើរកម្សាន្តទៅកាន់កីឡាដ្ឋាន Old Trafford រួមជាមួយវត្ថុអនុស្សាវរីយ៍ផ្លូវការរបស់ក្លឹប Manchester United អាវកីឡាដែលមានហត្ថលេខាកីឡាករ និងបទពិសោធន៍ដ៏ពិសេសជាច្រើនទៀតដែលមិនអាចបំភ្លេចបាន។
ក្នុងព្រឹត្តិការណ៍នេះ អ្នកគាំទ្រ និងម្ចាស់ប័ណ្ណដែលបំពេញតាមលក្ខខណ្ឌកំណត់ នឹងមានឱកាសជួបដោយផ្ទាល់ជាមួយ Andy Cole និង Wes Brown តាមរយៈកម្មវិធី Meet & Greet សម្រាប់បទពិសោធន៍ដ៏កម្រ និងគួរឱ្យចងចាំរួមមានការថតរូបអនុស្សាវរីយ៍ និងការហត្ថលេខាផ្ទាល់ជាដើម។
អ្វីដែលកាន់តែពិសេសនោះ អតីតកីឡាករឆ្នើមក៏នឹងមានវត្តមានក្នុងកម្មវិធីរត់ក្នុងគោលដៅរួម ដើម្បីសហគមន៍ Maybank Run for Impact ដែលជាកម្មវិធីរត់ដើម្បីគាំទ្រការផ្តួចផ្តើមក្នុងការលើកកម្ពស់សុខភាព និងសុខុមាលភាពរបស់កុមារ មុននឹងអញ្ជើញចូលរួមក្នុងកម្មវិធីលៀងសាយភោជន៍ និងថ្លែងអំណរគុណនាពេលល្ងាច។
ព្រឹត្តិការណ៍ដ៏ពិសេសនេះឆ្លុះបញ្ចាំងពីការប្តេជ្ញាចិត្តរបស់ធនាគារ មេយប៊ែង ក្នុងការបន្តបង្កើតគុណតម្លៃជាក់ស្តែងជូនអតិថិជន តាមរយៈភាពជាដៃគូជាមួយក្លឹប Manchester United ដោយប្រែក្លាយចំណង់ចំណូលចិត្តរួមចំពោះក្លឹបបាល់ទាត់ដ៏ល្បីល្បាញមួយក្នុងពិភពលោក ឱ្យទៅជាបទពិសោធន៍ផ្តាច់មុខ ឯកសិទ្ធិពិសេស និងឱកាសដ៏មានតម្លៃ ដែលនាំឱ្យអ្នកគាំទ្រកាន់តែមានភាពជិតស្និទ្ធជាមួយក្លឹប ព្រមទាំងរួមចំណែកបង្កើតផលវិជ្ជមានដល់សហគមន៍ដោយផ្ទាល់ផងដែរ។
លោក រ័ត្ន សោភ័ណ នាយកប្រតិបត្តិ និងជានាយកប្រចាំប្រទេសនៃធនាគារ មេយប៊ែង ខេមបូឌា បានមានប្រសាសន៍ថា៖ "នៅ មេយប៊ែង អតិថិជនគឺជាចំណុចស្នូលនៃអ្វីៗគ្រប់យ៉ាងដែលយើងធ្វើ។ មិនថាជាការជួយបុគ្គលម្នាក់ៗឱ្យសម្រេចគោលដៅហិរញ្ញវត្ថុក្នុងជីវិត គាំទ្រក្រុមគ្រួសារក្នុងការកសាងអនាគត ឬចូលរួមជាដៃគូជាមួយអាជីវកម្មក្នុងការជំរុញកំណើននោះទេ យើងជឿថាតួនាទីរបស់យើងលើសពីការផ្តល់សេវា និងដំណោះស្រាយហិរញ្ញវត្ថុ។ យើងប្តេជ្ញាបង្កើតឱកាស ពង្រឹងទំនាក់ទំនង និងបន្ថែមគុណតម្លៃជូនអតិថិជន តាមរយៈបទពិសោធន៍ និងការគាំទ្រដែលមានអត្ថន័យនៅគ្រប់ដំណាក់កាលនៃជីវិត និងអាជីវកម្មរបស់ពួកគេ"។
លោកបានបន្តថា៖ "ការអញ្ជើញមកដល់របស់ Andy Cole និង Wes Brown គឺជាការបង្ហាញជាក់ស្តែងពីរបៀបដែលយើងប្រែក្លាយការប្តេជ្ញាចិត្តនេះទៅជាសកម្មភាពពិតប្រាកដ។ តាមរយៈភាពរឹងមាំនៃបណ្តាញប្រតិបត្តិការក្នុងតំបន់របស់ មេយប៊ែង និងភាពជាដៃគូក្នុងតំបន់ជាមួយក្លឹប Manchester United យើងកំពុងបង្កើតបទពិសោធន៍ដ៏វិសេសវិសាលជូនអតិថិជនដែលប្រើប្រាស់ប័ណ្ណធនាគាររបស់យើង អតិថិជន Premier Wealth និងដៃគូអាជីវកម្ម ព្រមទាំងនាំមហាជនឱ្យមកជួបជុំគ្នាជុំវិញគោលបំណងដ៏មានអត្ថន័យមួយ។ នេះហើយជាអត្ថន័យនៃការឈានទៅមុខលើសពីសេវាកម្មធនាគារ សម្រាប់យើង គឺការដាក់អតិថិជនជាអាទិភាព ការពង្រឹងទំនាក់ទំនង និងការបង្កើតគុណតម្លៃដែលមានការទទួលស្គាល់ជាក់ស្តែង។"
លោក Marc Armstrong នាយកផ្នែកពាណិជ្ជកម្ម របស់ក្លឹប Manchester United បានមានប្រសាសន៍ថា៖ "មេយប៊ែង គឺជាដៃគូដ៏យូរអង្វែងមួយរបស់ក្លឹប Manchester United ដែលបានរួមចំណែកបង្កើតបទពិសោធន៍ដ៏គួរឱ្យចងចាំជូនអ្នកគាំទ្រនៅទាំងតំបន់ ក្នុងរយៈពេល ១៥ ឆ្នាំកន្លងមកនេះ។"
លោកបានបន្តថា៖ "ប្រទេសកម្ពុជាប្រមូលផ្តុំទៅដោយអ្នកគាំទ្រក្លឹប Manchester United ដ៏មានភាពស្មោះស្ម័គ្រមួយ ហើយយើងពិតជាមានសេចក្តីសោមនស្សរីករាយក្នុងការនាំយក Andy Cole និង Wes Brown មកជួបអ្នកគាំទ្រតាមរយៈព្រឹត្តិការណ៍មួយនេះ។ ការមកដល់របស់អតីតកីឡាករឆ្នើមទាំងពីររូបនេះ ផ្តល់ពេលវេលាដ៏វិសេសវិសាលដល់អ្នកគាំទ្រក្នុងការភ្ជាប់ទំនាក់ទំនងជាមួយមរតកដ៏មានតម្លៃរបស់ក្លឹប ព្រមទាំងឆ្លុះបញ្ចាំងពីភាពរឹងមាំនៃភាពជាដៃគូដ៏យូរអង្វែងរបស់យើង ជាមួយ មេយប៊ែង។"
លើសពីឱកាសទទួលបានបទពិសោធន៍ដ៏វិសេសវិសាលជាមួយក្លឹប Manchester United ប័ណ្ណឥណទានវីសា Maybank Manchester United ក៏ផ្តល់ជូននូវអត្ថប្រយោជន៍ដ៏ទាក់ទាញជាច្រើនសម្រាប់ការចំណាយប្រចាំថ្ងៃ រួមមាន៖ ប្រាក់ត្រឡប់ជូនវិញ (Cashback) ៥% សម្រាប់អតិថិជនដំបូងគេដែលត្រូវបានកំណត់ (Early Bird) ប្រាក់ត្រឡប់ជូនវិញរហូតដល់ ០.៥% ឬពិន្ទុ TreatsPoints ចំនួន ៦ ពិន្ទុ នៅពេលធ្វើការចំណាយ ពិន្ទុTreatsPoints ៥ ដង សម្រាប់ការចំណាយនៅថ្ងៃប្រកួត នៅពេលក្លឹប Manchester United ទទួលបានជ័យជម្នះ សិទ្ធិចូលប្រើប្រាស់សាលរង់ចាំពិសេសនៅអាកាសយានដ្ឋានមួយចំនួនដោយឥតគិតថ្លៃ រយៈពេលឥណទានគ្មានការប្រាក់រហូតដល់ ៤៥ ថ្ងៃ ជម្រើសបង់រំលស់ដែលមានភាពបត់បែនតាមរយៈ Maybank EzyPay Plus លក្ខខណ្ឌលើកលែងថ្លៃសេវាប្រចាំឆ្នាំផ្អែកលើលក្ខខណ្ឌនៃការចំណាយ ព្រមទាំងការចូលរួមក្នុងយុទ្ធនាការ រង្វាន់ និងបទពិសោធន៍ពិសេសៗផ្សេងទៀតពីក្លឹប Manchester United ដោយអនុវត្តតាមលក្ខខណ្ឌ និងបទប្បញ្ញត្តិដែលបានកំណត់។
សម្រាប់ព័ត៌មានថ្មីៗអំពីអតីតកីឡាករឆ្នើមទាំងពីររូបរបស់ Manchester United បទពិសោធន៍ពិសេស ព័ត៌មានលម្អិតនៃព្រឹត្តិការណ៍ និងអត្ថប្រយោជន៍នានារបស់ប័ណ្ណវីសា Maybank Manchester United សូមតាមដានតាមរយៈគេហទំព័រផ្លូវការ ទំព័រហ្វេសប៊ុក និងបណ្តាញទំនាក់ទំនងផ្លូវការរបស់ធនាគារ មេយប៊ែង កម្ពុជា។