Latest

អ្នកជំនាញអះអាងថា វិស័យអចលនទ្រព្យកម្ពុជា ដែលជាជន្ទល់សេដ្ឋកិច្ចដ៏សំខាន់មួយពុំទាន់ងើបប្រសើរឡើងវិញនៅឡើយទេ មកទល់ពេលនេះ ក្រោយទទួលរងសម្ពាធជាច្រើនជាបន្តបន្ទាប់នៅប៉ុន្មានឆ្នាំចុងក្រោយនេះ ជាពិសេសបញ្ហានៃការធ្លាក់ចុះសេដ្ឋកិច្ចសកល និងបញ្ហាសង្រ្គាមរវាងកម្ពុជា-ថៃ ដែលកំពុងកើនឡើងកម្តៅនាពេលបច្ចុប្បន្ននេះ។ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានវាយតម្លៃថា វិស័យអចលនទ្រព្យកម្ពុជានឹងត្រឡប់ទៅរកភាពល្អប្រសើរវិញនៅ៤ឆ្នាំខាងមុខ ប្រសិនបើបញ្ហាជម្លោះព្រំដែនកម្ពុជា-ថៃ អាចដោះស្រាយបញ្ចប់បាននៅឆ្នាំក្រោយ។