Latest

ដំណាំកសិកម្មជាច្រើនម៉ឺនហិកតា នៅតាមបណ្ដាខេត្តចំនួន១៣ ក្នុងប្រទេសកម្ពុជា បានរងផលប៉ះពាល់ពីការជន់លិចដោយសារជំនន់ទឹកភ្លៀង ដែលបានកើតឡើងសាជាថ្មីចាប់តាំងពីចុងខែកញ្ញា ឆ្នាំ២០២៣ ខណៈប្រមុខរាជរដ្ឋាភិបាល សម្តេចធិបតី ហ៊ុន ម៉ាណែត បានបញ្ជាឲ្យអាជ្ញាធរត្រៀមកម្លាំង និងសម្ភារពាក់ព័ន្ធចាំបាច់នានា ដើម្បីចុះអន្តរាគមន៍ជួយសង្គ្រោះពលរដ្ឋរងគ្រោះទាន់ពេលវេលា។ មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទបានគូសបញ្ជាក់ថា មកទល់ពេលនេះក្រសួងបានត្រៀម និងផ្តល់ស្រូវពូជជាង១០០តោន ជូនកសិករដែលរងផលប៉ះពាល់ សម្រាប់ដាំដុះឡើងវិញ។