Latest

អាកាសយានដ្ឋានអន្តរជាតិ តេជោ កម្រិត 4F បានបើកឱ្យដំណើរការប្រើប្រាស់នៅថ្ងៃទី៩ ខែកញ្ញា ឆ្នាំ២០២៥ នេះ ដើម្បីបម្រើដល់ការតភ្ជាប់ការដឹកជញ្ជូនតាមផ្លូវអាកាសរបស់កម្ពុជា ទៅកាន់ទីផ្សារក្នុងតំបន់ និងពិភពលោក ជំនួសអាកាសយានដ្ឋានអន្តរជាតិ ភ្នំពេញ ដែលបានបើកប្រតិបត្តិការអស់រយៈពេលប្រមាណជាង៦៦ឆ្នាំកន្លងមកនេះ។ អាកាសយានដ្ឋាន ដែលជាប់ចំណាត់ជាស្ថាបត្យកម្មដ៏អស្ចារ្យទាំង១១ នៅលើពិភពលោក ប្រចាំឆ្នាំ២០២៥ នេះ មានសមត្ថភាពអាចឱ្យយន្តហោះទុនធំគ្រប់ប្រភេទអាចចុះចតបាន។