គេនៅចាំបានថា កម្មវិធី TikTok បានធ្លាក់ប្រជាប្រិយភាពបន្តិចនៅអាមេរិក ប៉ុន្តែក្រោយមក សម្ទុះនៃអ្នកប្រើប្រាស់បានងើបឡើងវិញខ្លាំងអំឡុងពេលបិទខ្ទប់ ដោយសាររលកឆ្លងកូវី១៩ នៅតំបន់អាមេរិកឡាទីន សហរដ្ឋអាមេរិក និង នៅអឺរ៉ុបជាដើម។ នេះបើតាមការចុះផ្សាយដោយសារព័ត៌មានជប៉ុន Nikkei។
ស្ថិតក្រោមការអភិវឌ្ឍ និងបង្កើតឡើងដោយក្រុមហ៊ុនចិន បាយដេន (ByteDance) កម្មវិធី TikTok ទើបតែត្រូវបានក្រុមហ៊ុនដាក់ឲ្យទាញយកនិងប្រើប្រាស់កាលពីឆ្នាំ២០១៧ប៉ុណ្ណោះ ប៉ុន្តែកម្មវិធីផលិតវីដេអូខ្លីប្រកបដោយភាពឆ្នៃប្រឌិតមួយនេះ ទទួលបានការគាំទ្រ និយមចូលចិត្តកាន់តែច្រើនឡើងៗ ហើយចំនួនអ្នកទាញយកមកប្រើប្រាស់បានកើនឡើងពីមួយឆ្នាំទៅមួយឆ្នាំ។ ជាក់ស្ដែង កាលពីឆ្នាំ២០១៩ កម្មវិធី TikTok គឺឈរក្នុងលំដាប់លេ៤ ឯណោះ ក្នុងចំណោមកម្មវិធីដែលមានអ្នកទាញយកមកប្រើប្រាស់ច្រើនជាងគេ ខណៈដែលកម្មវិធី Facebook Messenger ឈរលំដាប់លេខ១។ ប៉ុន្ដែ នៅឆ្នាំ២០២០ កម្មវិធី TikTok បានដណ្ដើមតំណែងលេខ១ពីកម្មវិធី Facebook Messenger វិញ។
ទន្ទឹមនឹងប្រជាប្រិយភាពរបស់ TikTok ក៏មានដែរ ក៏មានទស្សនៈមួយចំនួនយល់ថា ព័ត៌មានផ្ទាល់ខ្លួនរបស់អ្នកប្រើប្រាស់ដែលគេផ្តល់ឲ្យ TikTok អាចនឹងមិនមានសុវត្ថិភាពនោះទេ។ ជាក់ស្តែងកាលពីឆ្នាំមុន អតីតប្រធានាធិបតីអាមេរិកលោក ដូណាល់ ត្រាំ ធ្លាប់បានបញ្ជាឲ្យគេបិទខ្ទប់កម្មវិធី TikTok មិនឲ្យដំណើរការនៅសហរដ្ឋអាមេរិក ក្រោយបារម្ភពីទិន្នន័យអ្នកប្រើប្រាស់នៅអាមេរិក អាចធ្លាក់ទៅក្នុងដៃរដ្ឋាភិបាលក្រុងប៉េកាំង។ ប៉ុន្តែបទបញ្ជានេះ ត្រូវបានលុបចោលវិញដោយប្រធានាធិបតីថ្មី ចូ បៃឌិន។
អត្ថបទគួរអាន
គេនៅចាំបានថា កាលនោះកម្មវិធី TikTok បានធ្លាក់ប្រជាប្រិយភាពបន្តិចនៅអាមេរិក ប៉ុន្តែក្រោយមក សម្ទុះនៃអ្នកប្រើប្រាស់បានងើបឡើងវិញខ្លាំងអំឡុងពេលបិទខ្ទប់ ដោយសាររលកឆ្លងកូវី១៩ នៅតំបន់អាមេរិកឡាទីន សហរដ្ឋអាមេរិក និងនៅអឺរ៉ុបជាដើម។
យ៉ាងណាមិញ ទុទិដ្ឋិនិយម និងក្តីព្រួយបារម្ភពីការលួចយកព័ត៌មានផ្ទាល់ខ្លួនពីសំណាកក្រុងប៉េកាំង តាមរយៈកម្មវិធីទូរស័ព្ទដែលបង្កើតឡើងដោយក្រុមហ៊ុនចិន នៅតែកើតមានសម្រាប់អ្នកប្រើប្រាស់។ ប្រការនេះ ធ្វើឲ្យអ្នកនិយមលេងបណ្តាញសង្គមមួយចំនួន បានងាកមកប្រើប្រាស់បណ្តាញសង្គមផ្សេងទៀតដូចជា Telegram ជាដើម។
កម្មវិធីផ្ញើសារអេឡិចត្រូនិច Telegram ដែលដំបូងឡើយត្រូវបានបង្កើតឡើងក្នុងប្រទេសរុស្សីហើយបានប្តូរស្នាក់ការទៅប្រទេសអាល្លឺម៉ងវិញនោះ ក៏បានឡើងមកឈរចំណាត់ថ្នាក់លេខ៧ ក្នុងកំពូលតារាងកម្មវិធីទូរស័ព្ទ ដែលមានអ្នកទាញយកច្រើនជាងគេផងដែរ ពិសេសក្នុងអំឡុងពេលនៃវិបត្តិកូវីដ១៩។
អត្ថបទគួរចាប់អារម្មណ៏
Telegram ក្នុងបរិបទនេះ បានដើរតួនាទីសំខាន់ក្នុងការចែករំលែកព័ត៌មានបានលឿនរហ័ស ទាន់ហេតុការណ៍ ខណៈការប្រើប្រាស់ផ្ញើរសារទៅវិញទៅមកក៏មានភាពងាយស្រួលផងដែរ។ មិនត្រឹមតែទទួលបានការប្រើប្រាស់ច្រើនអំឡុងវិបត្តិកូវីដ១៩នោះទេ Telegram ក៏ត្រូវបានក្រុមបាតុករនៅហុងកុង និងប្រទេសថៃនិយមប្រើប្រាស់ផងដែរ កាលពីឆ្នាំ២០១៩និង២០២០ ដើម្បីគេចផុតពីការឃ្លាំមើលរបស់រដ្ឋាភិបាលរបស់ខ្លួន។
សូមបញ្ជាក់ថា កម្មវិធីទូរស័ព្ទដៃដែលមានអ្នកទាញយកមកប្រើប្រាស់ច្រើនជាងគេក្នុងពិភពលោក រាប់ត្រឹមពាក់កណ្តាលឆ្នាំ ២០២១នេះ គឺមិនមែនជាកម្មវិធី Facebook នោះទេ ប៉ុន្តែតំណែងនេះបានទៅលើកម្មវិធី TikTok ជាមួយនឹងការទាញយកមកប្រើប្រាស់ជាង ៣ពាន់លានដង តាមពីក្រោយដោយ Facebook និង Instagram៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
