ស្លាប់បាតុករនៅភូមា១៨នាក់ក្រោយប៉ះទង្គិចគ្នាខ្លាំងនៅ​​ថ្ងៃ​អាទិត្យម្សិលមិញ

យ៉ាង​ណាមិញ​បើ​តាម​ការ​តាមប្រភព​របស់​អង្គការសហប្រជាជាតិ គឺបាតុករស្លាប់ក្នុងថ្ងៃអាទិត្យទី​២៨កុម្ភៈ អាចមានរហូតដល់ ទៅ២០នាក់។

ក្នុងចំណោម អ្នកស្លាប់បាត់បង់ជីវិតទាំងនោះ ភាគច្រើនត្រូវរងគ្រោះដោយការបាញ់ស្រោចពីក្រុមប៉ូលីស នៅទីក្រុងផ្សេងៗគ្នារួមមាន ក្រុង Yangon, ក្រុង Bago និងក្រុងជាប់មាត់ Dawei របស់ភូមា។

សូមបញ្ជាក់ថា រាប់ចាប់តាំងពីមានបាតុកម្មប្រឆាំងនឹងរដ្ឋប្រហារថ្ងៃទី១កុម្ភៈមក  មានបាតុករភូមាជាង៨៥០នាក់ត្រូវចាប់ខ្លួន ប៉ុន្តែគេជឿថាចំនួននេះនឹងមានការកើនឡើងថែមទៀត ព្រោះថា គ្រាន់តែនៅក្នុងថ្ងៃអាទិត្យម្សិលមិញមួយថ្ងៃប៉ុណ្ណោះ មានបាតុករដល់ទៅជាង៤០០នាក់ផ្សេងទៀតត្រូវបានឃាត់ខ្លួន។ 

គួររំឭកផងដែរថា ក្រុមយោធាបានបង្កើនការបង្រ្កាបដល់ក្រុមបាតុករយ៉ាងចាស់ដៃ ក្រោយពីឯកអគ្គរដ្ឋទូតភូមាប្រចាំ​អង្គការ​សហប្រជាជាតិលោក Kyaw Moe Tun កាលពីថ្ងៃ​សុក្រ ​បាន​ថ្កោលទោស​ការ​ធ្វើ​រដ្ឋប្រហារ​យោធា​ថ្ងៃទី១ ខែ​កុម្ភៈ ដោយ​បាន​ស្នើ​ឲ្យ​ប្រទេស​ជា​សមាជិកអង្គការ​សហប្រជាជាតិ​ ថ្កោល​ទោស​ការ​ធ្វើ​រដ្ឋប្រហារ​នេះ​ជា​សាធារណៈ៕