វៀតណាម ប្រឈមការប្រកួតប្រជែងកាន់តែស្វិតស្វាញពីចិន និងថៃ ក្នុងការដណ្ដើមភ្ញៀវទេសចររុស្ស៊ី
វៀតណាម ទទួលបានភ្ញៀវទេសចររុស្ស៊ីជាង១,១លាននាក់ នៅ៩ខែឆ្នាំ២០២៦ ដែលធ្វើឱ្យរុស្ស៊ី ក្លាយជាប្រភពភ្ញៀវទេសចរបរទេសធំជាងគេទី៣ របស់វៀតណាម បន្ទាប់…
អង្គការសហប្រជាជាតិ បានជំរុញឱ្យសហគមន៍អន្តរជាតិ បង្កើនកិច្ចខិតខំប្រឹងប្រែង ដើម្បីកាត់បន្ថយការបញ្ចេញឧស្ម័នផ្ទះកញ្ចក់ឱ្យបាន ១៨% ក្នុងរយៈពេល៤ឆ្នាំខាងមុខ សំដៅទាញទម្លាក់ផែនដីឱ្យវិលត្រឡប់មករកគន្លងត្រឹមត្រូវវិញក្នុងការទប់ស្កាត់ការប្រែប្រួលអាកាសធាតុសកល។ កម្មវិធីបរិស្ថានអង្គការសហប្រជាជាតិ បានអះអាងថា បណ្តាប្រទេសនានាក្នុងពិភពលោកចាំបាច់ត្រូវតែមានសកម្មភាពអន្តរាគមន៍ជាបន្ទាន់ ដើម្បីចៀសផុតពីមហន្តរាយអាកាសធាតុដ៏ស្រួចស្រាល់ ដែលកំពុងគំរាមកំហែងដល់អាយុជីវិតមនុស្សជាតិ។ អង្គការសកលមួយនេះបានរិះគន់ថា បណ្តាប្រទេសនានាកំពុងបរាជ័យក្នុងការបំប្លែងគោលដៅរយៈពេលវែងស្តីពីការកាត់បន្ថយឧស្ម័នផ្ទះកញ្ចក់ឱ្យទៅជាសកម្មភាពប្រតិបត្តិការជាក់ស្តែងក្នុងពេលបច្ចុប្បន្ន។
អង្គការដដែលបានបន្ថែមថា កម្រិតនៃការបញ្ចេញឧស្ម័នផ្ទះកញ្ចក់ជាសកលហាក់ដូចជា នៅទ្រឹង ដោយបរិមាណបំភាយក្នុងឆ្នាំ២០២៥ គឺមានកម្រិតប្រហាក់ប្រហែលគ្នានឹងឆ្នាំមុនៗដែរ។ តាមផែនការគោលដៅដែលបានកំណត់បណ្តាប្រទេសទាំងអស់ធ្លាប់បានប្តេជ្ញាចិត្តកាត់បន្ថយការបំភាយឧស្ម័នផ្ទះកញ្ចក់ឱ្យបាន ១៨% នៅត្រឹមឆ្នាំ២០៣០ និង៤៥% នៅត្រឹមឆ្នាំ២០៤៥ ក្នុងគោលបំណងទប់ស្កាត់កំណើនសីតុណ្ហភាពពិភពលោកមិនឱ្យកើនឡើងហួសកម្រិត ១,៥ អង្សាសេ ធៀបនឹងសម័យមុនបដិវត្តន៍ឧស្សាហកម្ម។ ប៉ុន្តែ នៅក្នុងស្ថានភាពជាក់ស្តែង ដែលបណ្តាប្រទេសនានាកំពុងធ្វើសព្វថ្ងៃនេះ សីតុណ្ហភាពផែនដីត្រូវបានព្យាករថា នឹងអាចស្ទុះឡើងដល់២,៨អង្សាសេឯណោះ៕
