ព័ត៌មាន

និន្នាការប្រើប្រាស់រថយន្តអគ្គិសនីនៅទូទាំងពិភពលោកមានការកើនឡើងគួរឱ្យកត់សម្គាល់នៅប៉ុន្មានឆ្នាំចុងក្រោយនេះ ដែលបានបង្ហាញពីភាពជោគជ័យមួយក្នុងការឈានទៅលុបបំបាត់ការប្រើប្រាស់រថយន្តដើរដោយថាមពលប្រេងឥន្ធនៈនាពេលអនាគត។ ជាក់ស្តែងការលក់រថយន្តអគ្គិសនី និងរថយន្ត ហាយប៊្រីដ សម្រេចបានប្រមាណ៥,៦លានគ្រឿងនៅក្នុងរយៈពេល៤ខែ ឆ្នាំ២០២៥ មានកំណើនជិត៣០% បើធៀបនឹងរយៈពេលដូចគ្នាកាលពីឆ្នាំមុន។ កំណើនប្រើប្រាស់រថយន្តអគ្គិសនីភាគច្រើននៅប្រទេសចិន និងអឺរ៉ុប ខណៈនៅអាម៉េរិក មានកំណើនទាប។