ព័ត៌មាន

ទំហំប្រាក់បញ្ញើ និងទំហំឥណទាននៅក្នុងប្រព័ន្ធធនាគារនៅកម្ពុជា មានគម្លាតខុសគ្នាតិចតួចប៉ុណ្ណោះ ដោយសារនៅមួយរយៈចុងក្រោយទំហំប្រាក់បញ្ញើមានការកើនឡើងខ្ពស់ ក្រោយគ្រឹះស្ថានធនាគារនិងមីក្រូហិរញ្ញវត្ថុទទួលប្រាក់បញ្ញើបានដំឡើងអត្រាការប្រាក់លើប្រាក់បញ្ញើដើម្បីទាក់ទាញអតិថិជន។ ជាក់ស្តែងគិតត្រឹមដំណាច់ឆ្នាំ២០២៤ ទំហំឥណទានមានប្រមាណជិត៦០ពាន់លានដុល្លារ ខណៈទំហំប្រាក់បញ្ញើមានប្រមាណ៥៧ពាន់លានដុល្លារ ពោលគឺមានទំហំខុសគ្នាតែជាង២ពាន់លានដុល្លារប៉ុណ្ណោះ។