ព័ត៌មាន

អាជ្ញាធរឡាវ បានប្រកាសអាសន្នបន្ទាប់ពីជំងឺប៉េស្តជ្រូកអាហ្វ្រិក ដែលបានផ្ទុះឡើងកាលពីខែមិថុនា បានរាលដាលយ៉ាងរហ័សនៅក្នុងស្រុកចំនួន៦ ក្នុងខេត្តសាយ៉ាប៊ុរី ដោយសម្លាប់ និងតម្រូវឱ្យកម្ទេចចោលសត្វជ្រូកជាង៥,៤០០ក្បាល។ វិបត្តិជំងឺឆ្លងនេះបានវាយប្រហារសេដ្ឋកិច្ចកសិកម្មឡាវ យ៉ាងធ្ងន់ធ្ងរ ដោយធ្វើឱ្យខាតបង់ប្រាក់ប្រមាណជាង៦៦ម៉ឺនដុល្លារអាម៉េរិក។ រឹតតែគួរឱ្យព្រួយបារម្ភ វីរុសដ៏កាចសាហាវនេះបានចាប់ផ្តើមឆ្លងដែនរាលដាលចូលដល់ដែនដីប្រទេសវៀតណាម ជាបន្តបន្ទាប់។