ក្រសួងសុខាភិបាលកែតម្រូវចំនួនអ្នកឆ្លងកូវីដពីព្រឹកនេះដោយសារបញ្ហាបច្ចេកទេស
ក្រសួងសុខាភិបាលកម្ពុជា គិតត្រឹមរសៀលថ្ងៃទី២១ខែមីនា ឆ្នាំ២០២១នេះ បានធ្វើការកែតម្រូវតួលេខអ្នកវិជ្ជមានកូវីដ១៩ក្នុងសេចក្…
លោកបណ្ឌិត អ៊ិន ចាន់នី ប្រធាននាយកប្រតិបត្តិ នៃធនាគារអេស៊ីលីដាបានបញ្ជាក់ថា ធនាគារអេស៊ីលីដា នៅតែបន្ដរក្សាការបញ្ចុះអត្រាការប្រាក់ប្រាក់ដល់ទៅ១% ក្នុងមួយឆ្នាំ សម្រាប់ឥណទានថ្មីៗ ដូចដែលធ្លាប់បានធ្វើកាលពីឆ្នាំ២០២០ដែរ។ បន្ថែពីនេះ ធនាគារអេស៊ីលីដា នៅតែបន្តអនុវត្តតាមសារាចរណ៍ណែនាំរបស់ធនាគារជាតិនៃកម្ពុជា ស្តីពីការរៀបចំឥណទានឡើងវិញ ដែលបានដាក់ចេញកាលពីអំឡុងខែមីនា ឆ្នាំ២០២០កន្លងទៅ។
លោកបណ្ឌិតអ៊ិន ចាន់នី អះអាងថា ការបន្តអនុវត្តបែបនេះ គឺដើម្បីជួយសម្រួលបន្ទុកដល់ពលរដ្ឋដែលមានតម្រូវការសាច់ប្រាក់ តែកំពុងជួបបញ្ហាដោយសារតែជំងឺកូវីដ-១៩ ក្នុងឆ្លងសហគមន៍។
សូមបញ្ជាក់ថា បើទោះបីជាវិបត្តិកូវីដ-១៩ បានបង្កឲ្យមានផលប៉ះពាល់ដល់សកម្មភាពសេដ្ឋកិច្ចជាច្រើនក៏ដោយចុះ ប៉ុន្ដែធនាគារអេស៊ីលីដានៅតែរកបានប្រាក់ចំណេញដល់ទៅជាង ១៤១ លានដុល្លារអាមេរិកនៅឆ្នាំ២០២០កន្លងទៅនេះ កើនឡើង១៧%។ ក្នុងនោះ មានកត្តាពីរយ៉ាង ដែលថ្នាក់ដឹកនាំធនាគារនេះ អះអាងថាបានធ្វើឲ្យអេស៊ីលីដានៅតែមានកំណើនប្រាក់ចំណេញខ្ពស់ គឺទី១ កំណើនសំពៀតឥណទាន ដោយសារមានតម្រូវការខ្ពស់លើទីផ្សារនៃផលិតផលឥណទានរបស់ធនាគារ ជាពិសេសវិស័យ SME។ និងទី២ គឺដោយសារ មានកំណើនប្រាក់បញ្ញើ-សន្សំ របស់ធនាគារ រួមជាមួយផលិតផល និងសេវាកម្មផ្សេងទៀត៕
None
