នៅក្នុងរបាយការណ៍របស់ ធនាគារអភិវឌ្ឍន៍អាស៊ី ហៅកាត់ថា ADB បានគូសបញ្ជាក់ថា បណ្តាប្រទេស ក្នុងតំបន់ទាំងអស់ សុទ្ធតែជួបប្រទះនឹង បញ្ហាជាច្រើនបង្កឡើងដោយមេរោគកូវីដ១៩ ដូចជា ការធ្លាក់ចុះនូវតម្រូវការប្រើប្រាស់ក្នុងស្រុក ការបាត់បង់ចំនួនភ្ញៀវទេសចរណ៍ ការធ្វើពាណិជ្ជកម្មកាន់តែចុះទន់ខ្សោយ ហើយបណ្តាញផ្គត់ផ្គង់ និងផលិតកម្មជាច្រើនត្រូវបានកាត់ផ្តាច់ ជាពិសេសគឺត្រូវចំណាយលើ ថ្លៃព្យាបាលសុខភាពជាពិសេស។
យ៉ាងណាក៏ដោយ ធនាគារអភិវឌ្ឍន៍អាស៊ី បានបង្ហាញពី សេណារីយ៉ូ មួយចំនួនថា ផលប៉ះពាល់ដល់សេដ្ឋកិច្ចសកល អាចនឹងមានចន្លោះពី ៧៧ពាន់លានដុល្លារអាមេរិក ទៅដល់ ៣៤៧ពាន់លានដុល្លារអាមេរិក ដោយទំហំនៃការប៉ះពាល់ អាស្រ័យទៅលើ កត្តារីករាលដាលនៃមេរោគនេះ ថាវាផ្ទុះឡើងឆាប់រហ័សប៉ុនណា និងដោះស្រាយបានលឿនប៉ុនណា តែផលប៉ះពាល់ជាមធ្យម គឺប្រមាណ ១៥៦ពាន់លានដុល្លារអាមេរិក
អត្ថបទគួរអាន
ផលប៉ះពាល់ ២ ភាគ ៣ ទៅហើយ ត្រូវធ្លាក់ទៅលើប្រទេសចិន តែយ៉ាងណា បណ្តាប្រទេសក្នុងតំបន់ ក៏ទទួលរងផងដែរ ដោយត្រូវបាត់បង់តម្រូវការប្រើប្រាស់ក្នុងស្រុក ក្នុងរយៈពេលខ្លី ហើយសម្រាប់រយៈពេលវែង វាអាចនឹងជះឥទ្ធិពលដល់ ការសម្រេចចិត្តរបស់អ្នកវិនិយោគិនសក្តានុពល។
គួររម្លឹកបន្តិចថា បញ្ហាមេរោគ កូវីដ១៩ កំពុងតែជះឥទ្ធិពលអាក្រក់ដល់ ប្រទេសថៃ ស្ទើរតែគ្រប់វិស័យ ជាពិសេសគឺ វិស័យសេដ្ឋកិច្ច និងទេសចរណ៍ ហើយតាមការព្យាករណ៍ពី សាកលវិទ្យាល័យសភាពាណិជ្ជកម្មថៃ បង្ហាញថា ថៃ អាចនឹងខាតបង់ប្រមាណ ៧ពាន់លានដុល្លារអាមេរិក ក្នុងឆ្នាំ ២០២០នេះ ដោយសារមេរោគកូរ៉ូណា គួបផ្សំនឹងបញ្ហាគ្រោះធម្មជាតិ៕
None
